أهل صبحا / كلمات عادل الاسعدي / اداء ماجد خضير

اهل صبحا شيلة مهداه الى الشيخ / سعود بن عريمط الاسعدي بمناسبة اقتتاح مجالسه في رهاط كلمات / عادل الاسعدي اداء / ماجد خضير ——- يرفرف على راس الفخر شعري المعروف بعد هب نسناس المفاخر بميعاده اجمّل به الميقاف وانصف به الموصوف واعرف المقام ان زادني يطلب زياده ومن يحسب ان الشعر كلمه وصف حروف ولاشاف شعاره ولاشاف نقاده غشيمً مايدري بان وقعه كلاشنكوف بقلب اللبيب اللي يميز وش ابعاده نسولف على المجد التليد ونجيه صفوف ويعرف فعايلنا قويين الاراده يعرف ان واحدنا كفو لو عليه ضروف ولو طاول أطول طايل يجيك مقتاده بعيدً عن المألوف واللي ماهو مألوف ترى بذلة المعروف من الاسعدي عاده ذرا المستجير وفزعة الخايف الملهوف وساس الفخر والمجد والعز وبلاده ليا قيل اهل صبحا نجي للزوم وقوف لحوض المنايا بالصواريم ورّاده ولدنا يشوش ويكسب الطيب والمعروف وتصير المدايح كيفه وشربه وزاده ليا سيق فنجال المخاطر بوقت الخوف هلا مرحبا والاسعدي حصل قناده من الزلفي لبقعاء من رهاط لين الجوف يصير الفخر شيً طبيعي ومعتاده فخرنا مع العالم على الطايل الشفشوف مكاسب عقيدً ورّث العز لاحفاده وبني عمه اللي طيبهم واضح ومشيوف محازم ظفر ،، نارً على العز وقاده يوم ان الفخر ماينوخذ وفره ومصروف يماري به المطنوخ ورثه من اجداده يحق لعريب الساس يفخر على المكشوف يقول المراجل قدح جدي من زناده يحل القضيه لالفى حبلها ملفوف بحكمه ورايً طيّب ومال وزياده ولاجا خطا المخطي بحلمه خطاه يطوف حليمً حكيمً لين يصل الصبر ماده وعلى المعتدي سمً سقطري يعل الجوف يربي به اللي يجهل بحرب الاباده بنا المجلس اللي كل لحظه وهو مضيوف على العز وسلوم الكرم ثبت اوتاده مقر النشاما اللي يذري عن العاصوف من اجل القبيلة عينه تسامر سهاده ورود الثنا وشهودها سايره بصفوف على مجلسه في صدر الامداح وشداده أبو خالد اللي سيرته مبهجه وتنوف هذا شيخنا الشامخ هذا العز وامجاده هذا اللي كرم يمناه مثل السحاب قنوف سعود ويبَشّر من نخا سعود بإسعاده عليه النعم ينساق يوم العيون تشوف مثل مايساق العود في حضرة الساده هلا مرحبا باسمه عدد من سعا ويطوف وعدد من رفع كفه لربّي من عباده بكل الحضور اللي لهم عندنا معروف وفالمجلس اللي بالكرم ثبت اوتاده عادل الاسعدي