Stembus: Hoe moet jy stem? | Politieke Oorsig – 3 Julie 2026

In hierdie week se Politieke Oorsig gesels ons saam met Roland Henwood oor die grootste politieke ontwikkelinge wat Suid-Afrika tans raak. Die beplande 30 Junie-optogte het heelwat minder ontwrigting veroorsaak as wat baie verwag het. Polisiediens se voorbereiding het 'n groot rol gespeel, maar die organiseerders dreig reeds met verdere weeklikse protesaksies totdat hul eise nagekom word. Wat beteken dit vir politieke stabiliteit en beleggersvertroue? Ons kyk ook na die toenemende druk op Suid-Afrikaners namate swak dienslewering, 'n krimpende industriële basis en 'n kleiner belastingbasis die ekonomie verder onder druk plaas. Met die volgende verkiesing wat nader kom, kan protesaksies meer gereeld voorkom en moontlik ook meer gewelddadig raak. Johannesburg staan voor groot bestuursuitdagings, terwyl die jongste kabinetskommelinge en politieke spanning nuwe vrae laat ontstaan. Is ANC partybelange weer bo landsbelange geplaas met die aanstelling van Dina Pule? Die DA se nuwe leiers het 'n duidelike stempel afgedruk met hul voorstelle vir kabinetskommelinge. Hul wil nie net meeloper vir ANC wees nie. Kan dit tot moontlike spanning tussen die ANC en DA lei en die RNE bedreig? Ons bespreek ook 'n belangrike vraag vir elke kieser: Hoe moet jy stem? Moet kiesers eerder fokus op ideologie, of op watter party die beste kan sorg vir betroubare elektrisiteit, water, paaie en dienslewering? Tydgrepe: 00:00 Inleiding 00:33 30 Junie optogte 11:38 Druk op Suid-Afrikaners 16:22 Protesaksie kan meer raak 18:51 Stembus 24:51 Kabinetskommelinge 37:32 Politieke partye 🎥 Bly op hoogte: https://linktr.ee/amtrendsplatforms?s... #politiekeoorsig #suidafrika #Politiek #verkiesing #RNE #ANC #DA #rolandhenwood #AMT #Nuus #Dienslewering #ekonomie #protest #johannesburg