Pahadon Ki Shaam, Barish Aur Chulhe Ki Roti ❤️ | Uttarakhand Village Life | Day 2 Part 5

Pahadon ki shaam, barish ka maza, aur chulhe ki roti ka swad — is episode mein hai sab kuch! ❤️ Namaste doston! Swagat hai aapka Day 2 Part 5 mein humari Uttarakhand village life series ka. Is episode ki shuruaat hoti hai Kalinka Devi Mandir se darshan karne ke baad. Mandir se wapas aate hi hum thak kar chur ho gaye the, toh Pala Chacha ke ghar thodi der aaram kiya. Fir sham ko uthkar main seedha chat par chala gaya — wahan se valley ka sunset view dekhna ek alag hi sukoon tha. Saamne pahad par Negi Ji ka gaon chota sa dikhai de raha tha, jaise koi sapna! Lekin asli maza tab aaya jab humne chulha jalane ki thhe. Jaise hi aag jalati, barish shuru ho jaati! Plan B — gas chulha — activate karna padta. Lekin finally barish ruk gayi aur humne decide kiya ki bahar hi chulhe par roti banayenge. Chulhe ke aas-paas sab log baithe, rotiyan bann rahi thin aur saath me sab apne-apne experiences share kar rahe the. Tabhi Aunty ne ek khoobsurat gaon ki parampara batayi — jab bhi shehar se koi gaon aata hai, toh wo mithai laata hai aur har ghar me baantta hai, taaki poore gaon ko pata chal jaye ki wo log aa gaye hain. 🍬 Aur haan, ye tha hamara aakhri din chulhe par roti banane ka! Kyunki kal se gaon me pooja shuru ho rahi hai aur poora gaon pandal me ek saath khana khayega — jo halvai banayega. Pooja ki kuch khaas baatein bhi humein batayi gayi, jo aage dekhenge. To agar aapko pahadi shaam, barish ki boondein, aur chulhe ki roti ka tadka pasand aata hai, toh ye episode bilkul aapke liye hai! 📌 Video ko LIKE karein, SHARE karein aur SUBSCRIBE karna mat bhoolna! 🔔 Bell icon dabaayein taaki Part 6 ki notification miss na ho!