4 ҚАЗАНДАҒЫ ШЫҒАРЫЛЫМ.

Денсаулыққа қасақана ауыр зиян келтірудің ағымдағы жылы 37 дерегі тіркелсе, 2023ж. - 33 орын алған. Жаңағы аталған 37-нің 12-сі өлімге әкеп соққан. Өткен жылы 7 адам бұ дүниемен қош айтысқан. Ерекше алаңдататыны жәбірленушілердің 6-ы кәмелетке толмағандар, оның 4-і қаза болса, 2-і ауыр жарақат алған, 1-і оқушы, 2-і колледж студенті, 3-і жұмыс та істемейді, оқымайды. Қылмыс жасаған 30 тұлғаның: 4-і кәмелетке толмағандар (оның ішінде 3-і мектеп оқушылары, 2-і колледж студенттері, 1-і әйел адам, 7-і бұрын сотты болғандар, 17-і жұмыссыздар, 12-і алкогольді еліту жағдайында қылмыс жасаған. Жоғарыда аталған қылмыстардың барлығы криминалды орта идеялары мен ұстанымдарын қолдайтын иерархияға еліктеген жастар мен жасөспірімдердің арасында орын алған. Ал бұл қылмыс түрімен күресуге тиіс полицияның Ұйымдасқан қылмыспен күрес басқармасының жұмысы мүлде жоқ деуге толық негіз бар. Себебі, жоғарыда аталған кәмелетке толмағандардың өліміне әкеп соқтырған қылмыстар бойынша бір де бір тұлға алдын ала криминалдық орта қағидаларын ұстанушы «маргиналды» жас ретінде есепке алынбаған, олармен профилактикалық жұмыс жүрмеген. Қыркүйектің 1-нен оқу орындары өз жұмысын бастап, студенттер сабаққа кірісті. Оқуға келген бірінші курс студенттерінен қорқытып шәкіртақысын тартып алу, ұрып-соғу тағы да басқа қылмыстық әрекеттерге баратын криминалды орта идеяларына еліткен маргиналды жастар болуы жоққа шығарылмайды. Оларды білім беру ұйымдары мен полицияның бірлесе анықтаудағы жұмысы да көрінбейді. Бүгінгі күні олар қылмыстың алдын алуға емес, жасалған қылмыстың салдарымен постфактум күресумен ғана шектелуде дейді прокурор.