តើកម្មវិធីជំរុញការវិនិយោគក្នុងខេត្តព្រះសីហនុអាចហុចផលវិជ្ជមានកម្រិតណា?

នៅថ្ងៃទី៣១ មករា ប្រមុខរដ្ឋាភិបាលកម្ពុជាបានដាក់ឱ្យប្រើប្រាស់កម្មវិធីពិសេសដើម្បីជំរុញការវិនិយោគក្នុងខេត្តព្រះសីហនុឆ្នាំ២០២៤។ កម្មវិធីពិសេសនេះមានទិសដៅសំខាន់ៗដើម្បីប្រែក្លាយខេត្តព្រះសីហនុទៅជាប៉ូលសេដ្ឋកិច្ចចម្បងមួយរបស់កម្ពុជា និងពង្រើកមុខមាត់ខេត្តឱ្យក្លាយជាតំបន់សេដ្ឋកិច្ចពហុបំណង។ តាមកម្មវិធីពិសេសថ្មីដដែលនេះ រដ្ឋាភិបាលក៏នឹងបង្កើនការទាក់ទាញអ្នកវិនិយោគពីបរទេសឲ្យបណ្តាក់ទុនក្នុងខេត្តព្រះសីហនុ រួមនឹងការដោះស្រាយបញ្ហាអគារជាប់គាំងផង។ អ្នកជំនាញសេដ្ឋកិច្ច និងអចលនទ្រព្យបានសាទរ និងសង្ឃឹមម៉ុតមាំថា វិបត្តិជាប់គាំងផ្នែកអចលនទ្រព្យ និងការវិនិយោគក្នុងខេត្តនឹងអាចដោះស្រាយបានក្នុងរយៈពេលដ៏ឆាប់។ តែដើម្បីភាពរីកចម្រើននៃខេត្តព្រះសីហនុ អ្នកជំនាញទាំងនោះក៏បានស្នើឱ្យអាជ្ញាធរធ្វើការដោយគិតពីផលប្រយោជន៍រួម និងអនុវត្តឱ្យដូចភ្លៀងរលឹម។ 🔔 Please subscribe: https://rfi.my/YTkm 🌍 ទទួល​​ព័ត៌មាន​នៅ​ជុំវិញពិភពលោក​ដោយ​ផ្ទាល់ https://www.rfi.fr/km/ ភ្ជាប់ជាមួយ​ហ្វេសប៊ុក​របស់​យើង https://rfi.my/FBkm ទទួលព័ត៌មានពី​យើង​តាម​​ X (​​ធ្វីតធ័រ) https://rfi.my/Xkm ទទួលព័ត៌មាន​តាម​តេឡេក្រាម https://rfi.my/TGkm