Top Channel/ Me thirrjet “UÇK”, Plisat ndezin flakë Tiranën para ndeshjes Shqipëri-Poloni

Ethet e supersfidës Shqipëri-Poloni që do të zhvillohet mbrëmjen e sotme në stadiumin “Air Albania”, kanë mbërthyer tifozërinë kuqezi, të cilët kanë përshkuar me brohoritje dhe këngë patriotike Bulevardin “Dëshmorët e Kombit” në Tiranë. Tifozët e Kombëtares anë e mbanë trojeve shqiptare janë mbledhur sot në Tiranë për t’i dhënë zemër djemve të Silvinjos. Ndër ta do të jenë edhe grupi i tifozëve nga Prishtina,“Plisat”, të cilët nuk mungojnë asnjëherë në ndeshjet e Shqipërisë. Me thirrjet “UÇK”, “UÇK“, “UÇK“ ata kanë ndezur flakë Tiranën, ndërsa pak orë na ndajnë nga përballja me polakët. Federata Shqiptare e Futbollit ka bërë të ditur që në stadium do të jenë të pranishëm afro 22 mijë tifozë në përkrahje të “kuqezinjve”. Në stadiumin e tejmbushur, ku biletat janë shitur të gjitha një muaj më parë, Kombëtarja luan një finale të parakohshme pas barazimit 1-1 kundër Çekisë, në Pragë dy ditë më parë. Me një fitore sot kundër polakëve, djemtë tanë do të “pronotonin” një vend në Euro 2024, në Gjermani. Ndërsa barazimi do t’iu jepte sërish shpresë, duke lënë të dytët në grup. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #UCK#Poloni#TopChannelNews