Top Channel/ Nga divorci me PS te “Flamingo” Koçeku sherr me Ramën: Nuk e dorëzoj mandatin

Megjithëse ende jo zyrtarisht Marjana Koçeku nuk ka dorëzuar kërkesën për largim nga grupi parlamentar i PS, sfidoi Edi Ramën duke i kërkuar zgjedhje të parakohshme dhe e paralajmëroi se nuk ka ndërmend të lërë mandatin e marrë nën siglën e PS. Marjana Koçeku, mungoi edhe këtë të Martë, në Komisionin Parlamentar për Europën dhe Punët e Jashtme. Siç shikohet nga këto pamje, deputetja Koçeku e ka lënë bosh karrigen ku ajo supozohej të ulej si anëtare e këtij komisioni përkrah kolegëve Romina Kuko dhe Ervin Hoxha. Burime nga grupi parlamentar socialist kontaktuar nga Top Channel pohuan se ende nuk e kanë një kërkesë me shkrim për tu larguar nga grupi siç ajo deklaroi të dielën përmes një statusi në Facebook. Sikurse ende nuk është bërë e mundur kontaktimi i saj përmes telefonit, fakt që u deklarua një ditë më parë nga nënkryetari grupit Erion Malaj. Të hënën Marjana Koçeku publikoi fillimisht një simbol me Flamingo, e më pas një koment ku ajo shhaqet në ambientet e një kishe shoqëruar me këtë koment. “Zot më jep forcë, besim të drejtë e shpresë të sigurtë. Mos na e kurse si popull frymën e urtisë, Dhe të kuptimësisë, që kurrë mos të largohena drejt rrugëve t’humbuna”. Postimi i saj edhe në llogarinë në Intagram me emrin Neomalësore, është ripostuar nga kryetari PD Sali Bertisha me mbishkrimin “Flet Vetë”. Por përse ky largim i Marjana Koçekut nga PS? Për gazetarin e Top Channel Muhamed Veliu, disa burime të pavarura nga njëri tjetri nga socialistet e Shkodres e lidhin këtë veprim të Marjana Koceku me datën 8 Qershor kur i pari i PS Edi Rama ishte në Shkodër për turin e 35 vjetorit të PS i veshur me një bluzë ku ishte stampuar një Flamigo, akt që e komentoi deputetja Koçeku. “I nderum kryeministër mirëserdhe në Shkodër si Gen Z, më pëlqen shumë bluza që ke vesh sot.............” Ky koment pohojnë të njëjtat burime ishte në qendër të debatit që Rama bëri në një takim informal pas eventit me deputeten Marjana Koçeku. Me sa duket ajo çfarë Rama i ka thënë deputetes 26 vjeçare, nuk është mirëpritur prej saj e si pasojë mund te jete shkaku i supozuar për deklaratën e më pas fikjen e telefonit. Neomalesorja së fundmi ka marrë një ftesë nga koordinatorët e protestës Flamingo të cilët gjithmonë e më shumë po nxiten të krijojnë një alternativë të re politike. Nëse Marjana Koceku bëhet deputetja e parë që do të përfaqësojë “Flamingot” në Parlamentin aktual, kjo mbetet për t’u parë. Por burime nga socialistët e Shkodrës ngrenë dyshime se edhe zyrtarët e futur në administratë me ndikimin e saj direkt janë përfshirë nga ndjenja rozë revolucionale e saj përmes postimeve mbështetëse në rrjetet sociale. Në kushtet e anonimatit kolegë socialistë të Marjana Koçekun pohuan për Top Channel, se ky zhvillim i kalimit të saj si deputete e pavarur, ishte i pritshëm nëse do t’i referohemi disa episodeve nga ku “Neomalësorja” deputete ka qenë e lëkundur dhe jo në një linjë politike me vendimet e grupit të PS. Kur po diskutohej projektligji për Barazinë Gjinore dhe të gjithë deputetëve socialistë iu është kërkuar të votojnë pro, Marjana Koçeku ka patur një komunikim me drejtuesit e grupit. Citohet të jetë shprehur se “nga një diskutim me priftin e zonës i ishte thënë se ajo duket të mos pajtohej më këtë projekt-ligj”. Më pas deputetja Koçeku nuk ka marrë pjesë në seancën ku është votuar ky projektligj duke njoftuar grupin se “kishte nënën sëmurë”. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #MarjanaKoçeku#EdiRama#TopChannelNews