TRIKITRAKA TRIKITRON 2007 (5x22) Barañain – “MEGA-MAXI AKELARREA”

Euskal Telebistak 2007. urtean zehar emititutako Trikitraka Trikitron programaren 5. denboraldiko 22. atala da hau, 2007. urteko apirilean Barañaingo auditorioan grabatua. Atal honetan, Pepittok, geltokira iritsi orduko, Barañaingo jendea agurtu eta txilibitua joko du geltokitik alde egiteko. Bestalde, Txirrik, Istambuleko fakir batek Amona Martxeloni kontatutako istorioa errezitatzen saiatuko da. Mirrik eta Txiribitonek, berriz, puxika luzeekin jolastuz, ez diote istorioa behar bezala kontatzen utziko. Ondoren, Mirrik intelektual izatea erabaki du. Horregatik, Asterix eta Obelixen komiki bat irakurtzea erabakiko du. Txirri eta Txiribiton, berriz, Pepittori telefono dei bat egiten saiatuko dira. Gero, Txiribitonek, Txirriren txinako platerrak zaintzeko ardura izango du. Bat-batean, ahate baten hotsa entzun eta hura akabatzeko ideia izango du, pailazo potoloak duen gosea baretzeko. Bitartean, Potxin eta Patxin pailazoek aizkolaritzan arituko dira eta Marsel magoak karta-joko bat egingo du. Hori gutxi balitz, Barañaingo haurrek Pelipe trenari jaten emateko aukera izango dute, goxoki-jaurtiketan lehiatuz. Saioaren amaieran, pailazoak sorgin bihurtuko dira eta Graxianarekin batera, akelarre bat antolatuko dute: mega-maxi akelarrea. Gainera, Txirri, Mirri eta Txiribitonek abesti hauek abestuko dituzte: "Xelebrekeriak", "Zuri zorionak", "Trikitraka Trikitron" eta "Altza Pelipe!"