RAIS SAMIA ATAJWA UTAJIRI WA WAKULIMA WA TUMBAKU TABORA

Baadhi ya wakulima wa tumbaku wilaya ya URAMBO mkoani TABORA wameishukuru serikali ya awamu ya sita kwa kuboresha sekta hiyo inayowawezesha kujiondoa katika umasikini. Akizungumza na CG FM mkulima wa chama cha msingi TWAWEZA kilichopo ITUNDU wilayani humo ASHA BAKARI amesema kipato cha kilimo cha zao hilo kimempa uwezo wa kumiliki uchumi kwa kuwekeza kwenye shughuli nyingine za kiuchumi ikiwemo ufugaji. Mkuu wa wilaya ya URAMBO, Daktari HAMIS MKANACHI amesema ni lengo la serikali kuongeza ufanisi wa uzalishaji wa zao hilo na kuboresha bei ya zao hilo ili kuimarisha zaidi uchumi wa wakulima na serikali. Hivi karibuni Mkurugenzi mkuu wa bodi ya tumbaku nchini STANLEY MNOZYA alisema ushindani wa masoko ya tumbaku nchini umeongezeka na kusababisha ongezeko la mapato kwa wakulima. Katika kipindi cha miaka minne ya uongozi wa Rais SAMIA SULUHU HASSAN maslahi ya wakulima yameimarika baada ya kuongezeka kwa wanunuzi na kupanda kwa bei ya tumbaku.