Ushtarët përgatiten për paradën e 90-vjetorit të krijimit të Ushtrisë Shqiptare (25 Nëntor 2002)

Lajme Arkiva 2002 Ka mjaftuar që mbrëmja të bjerë në Tiranë dhe bulevardi “Dëshmorët e kombit” të pushtohet nga forcat e ushtrisë shqiptare. Në qendrën e Tiranës kanë zbarkuar oficerë, ushtarë, studentë, djem dhe vajza të akademisë, përfaqësues nga të gjitha armët. Kjo është një provë për paradën që do të zhvillohet më 4 Dhjetor në 90 vjetorin e krijimit të ushtrisë shqiptare. Është hera e parë që në Shqipëri festohet me kaq pompozitet kjo ditë që kur parlamenti politik njohu si ditën e krijimit të ushtrisë shqiptare vendimin e 4 Dhjetorit 1912 të qeverisë së Ismail Qemalit. Provat nuk duket të jenë të lehta dhe puna më e vështirë për një paradë të përsosur i ka rënë kolonel Adriatik Hoxhës, i cili po stërvit ushtarët e rinj të ecin me hapin profesional të eprorit të tyre. Në paradë do të marrin pjesë forca tokësore, detare dhe ajrore që janë rreshtuar në 30 kuadrate. Të ardhur nga gjithë Shqipëria në 4 Dhjetor, rreth 4000 forca të ushtrisë jo vetëm do të parakalojnë në kryeqytet duke ndezur atmosferën e festës së tyre, por në qiellin e Tiranës do të demonstrohet edhe me avion ushtarak./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/