Петропавл қаласындағы екінші жылу электр орталығында тағы қайғылы жағдай

Петропавл қаласындағы екінші жылу электр орталығында тағы қайғылы жағдай. 22 жастағы жас жігіт өндіріс орнында алған жарақаттан қайтыс болған. Бұл осымен биыл жылы жылу орталығы аумағында болған үшінші адам өлімі. Наурыз айында құбыр құлап, ірі апат болған екінші жылу электр орталығының аумағында жөндеу жұмыстарын жүргізіп жатқан мердігер компания қызметкерінің үстіне салмағы 1,5 тоннадан асатын темір бағана құлаған. Ес-түссіз қалған Арман Исаев ауруханада қайтыс болды. Марқұм Қызылорда облысы Бірлік ауылының тумасы екен. Қазір полиция оқиғаға байланысты қылмыстық іс қозғап, тергеу жүргізіп жатыр. Бірақ еңбек инспекциясы жылу электр орталығымен еңбек келісімшарттары болмағандықтан, Арман Исаевтың өліміне қатысты тексеру жұмыстарын жүргізбейтінін мәлімдеді. Ал, мердігер компания басшылығы жұмысшының ол жерге қалай және неліктен барғанын білмейміз деп ақталып отыр. Тек материалдық өтемақы берілгенін мәлімдеді. ВСЕВОЛОД СЫСОЛЯТИН, Мердігер компания директоры: – Үшінші қазандықтың жанында тұрған метал бағаналарының бірі сырғып түсіп, қызметкердің үстіне құлаған. Сол күні қар жауып, күндіз еріген. Содан темір жерге түскен болуы керек. Оның тіпті ол жерге қалай барғанын да білмеймін. Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31