Khalid Alig recites his ghazal فقیرِ خاک نشیں تھے كسی کو کیا دیتے

خالد علیگ : غزل فقیرِ خاک نشیں تھے كسی کو کیا دیتے مگر یہی کہ وہ ملتا تو ہم دعا دیتے گلی گلی میں پکارا نگر نگر گھومے کہاں کہاں نہ پھرے تجھ کو ہم صدا دیتے لگی یہ دل کی بھلا آنسوؤں سے کیا بجھتی سر شک دیدۂ غم اور بھی ہَوا دیتے سنا ہے اہلِ حکم پر گراں تھی میری نوا یہ بات تھی تو مجھے بزم سے اُٹھا دیتے یہ کام کم تھا یہ کارِ پیمبرانہ تھا کہ اک چراغ سرِ رہگزر جلا دیتے جوابِ پُرسشِ غم کے ہزار پہلو ہیں ہم اپنے ہوش میں ہوتے تو مسکرا دیتے غبارِ راہ نہیں تھے کہ بیٹھ جاتے ہم گزر گئے ہمیں آوازِ نقشِ پا دیتے گھروں میں آگ لگا کر بھی کیا ملا خالد دلوں میں آگ لگی تھی اسے بجھا دیتے خالد علیگ