TANZANIA KUZALISHA MBOLEA HAI

Hafla hiyo pia imehudhuriwa na Balozi wa Tanzania nchini Cuba, Mhe. Humphrey Polepole, ambaye ameeleza kuridhishwa na hatua hiyo muhimu katika kudumisha mahusiano kati ya nchi hizi mbili. “Mikakati kama hii inaakisi dhamira ya mataifa yetu kuendeleza ustawi wa wananchi wake kupitia teknolojia na maarifa.” Nae Mkurugenzi wa LABIOFAM S.A Bw. Julio Gonzalez amesema uhaulishaji wa teknolojia utafanyika kwa bidhaa zote zinazo tarajiwa kuzalishwa na kiwanda cha TBPL. Mkataba huu unatarajiwa kuchochea mapinduzi katika sekta ya kilimo, kwa kutoa mbolea salama kwa matumizi ya wakulima wa Tanzania na Afrika Mashariki kwa ujumla. Aidha, unakuza maarifa ya kitaalamu, ajira kwa vijana, na kusaidia jitihada za kupunguza matumizi ya kemikali hatarishi katika uzalishaji wa chakula.