📍新宿百人町｜同一栋楼两间房，一次过同大家睇晒

先同大家讲声唔好意思🙇🏻‍♂️ 今次条片真係有少少长，可能会令大家睇到有啲攰😂 因为今次其实系同一栋楼入面嘅两间单位，所以我索性一次过拍埋。 大家如果对其中一间特别有兴趣，可以直接拉去对应位置睇，唔使由头睇到尾。 今次睇完两间房之后，我自己其实有少少偏心。 608号房 呢间我自己会比较钟意。 整体空间分配得几合理，格局都几顺眼，冇乜特别奇怪嘅位。 最加分嘅地方，系主人房同客厅都有超大落地玻璃，采光真系几正。 日头阳光入晒屋，成个感觉会开扬好多，住落应该会几舒服。 属于嗰种睇图未必觉得好惊艳，但现场会愈睇愈顺眼嘅类型。 717号房 呢间面积感会大啲。 不过如果讲设计，我觉得就冇608咁完善。 有啲位置要靠自己后期摆家具、做收纳去迁就返。 但空间够大，本身就已经系一个优势。 只要规划得好，其实住落都唔会差。 所以两间房真系各有各好。 不过如果要我拣，我应该会投608一票。😂 另外，我觉得呢栋楼最吸引我嘅，其实唔单止系单位本身。 公共空间做得真系几有心思。 有大型会议室、共享书架、休息区，同埋 Lounge 空间。 无论平时想温书、WFH、睇下书，定系纯粹落楼坐下，感觉都几舒服。 生活同学习之间，算系平衡得几好。 整体俾我嘅感觉，系一栋住落会令人觉得几舒服，而且有少少高级感嘅楼。 唔知大家会钟意边间多啲？ 🏠 608号房（我个人比较推荐） 定系 🏠 717号房（空间更大，可塑性更高）？ 欢迎留言讨论👇