【18區搵食-紅磡2.0之上得山多終遇難食食店】Y小編大力推薦XX亭｜嚟紅磡有50%因為佢｜自肥都要食多次｜一食難忘世一嫩雞煨麵｜紅磡食店中伏記｜芋泥吐司都中伏｜幫大家試完大家唔好去中伏了

【18區搵食-紅磡2.0之上得山多終遇難食食店】Y小編大力推薦XX亭｜嚟紅磡有50%因為佢｜自肥都要食多次｜一食難忘世一嫩雞煨麵｜紅磡食店中伏記｜芋泥吐司都中伏｜幫大家試完大家唔好去中伏了｜足料北京烤鴨煎餅 | 貼士係要加薄脆｜一汁多菜日本定食｜出色米気雪糕 帶大家搵食咁多區，再次嚟到紅磡搵食，估唔到居然中伏了！不過都好，當係前車之鑒，大家睇完就可以避免中伏。想知係邊間？睇埋落去啦～ 第一間嚟到「米気」，主打一汁多菜，建議配搭：米＋主＋冷＋飲，每一個種類都有唔同選擇，可以自由搭配。今次主食揀咗醬油蛋飯，主食係月見博多地雞團子定食，入面有啲蔬菜同軟骨，好有咬口，外層煎得香脆，好食喎！追加甜品必食米気雪糕！用咗牛奶同米水製造，奶味濃厚仲帶有啖啖米香，正呀～ 第二間「你妳」，見到網上評價都幾好，本身係芋泥控嘅我表示好期待，點知見到實物，忍唔住失望咗⋯⋯佢嘅肉鬆係俾得足嘅！不過入面嘅芋泥味道感覺添加咗香精，味道死甜，同想像中差好遠…大家想試嘅要再諗諗喇～ 第三間煎餅廚房，招牌北京烤鴨煎餅！落單嘅時候已經聞到好香鴨肉味，透明嘅櫥窗可以望住叔叔點整，見到佢加2大勺鴨肉落去，毫不手軟㗎！TIPS係要加薄脆，口感更加好，加埋醬汁、蔬菜，食晒成個飽足半日！ 最後一間滄浪亭，自肥都要食第二次！紅磡2.0有50%係因為佢xdd明佢有幾好食未？！必點世一嫩雞煨麵，食完佢一次，以後嚟紅磡淨係會想食佢，冇其他食店可取代！乳白色嘅湯頭充滿奶香，內有大量蔬菜同雞肉粒，菜肉均衡，麵條有彈性，講起都流晒口水！另外糖醋排骨都好正，一嚟到陣糖醋味聞到都覺得夠晒正宗！排骨帶點肥肉更香，外層炸到脆卜卜，份量足，如果大家未試過滄浪亭嘅一定要俾次機會佢呀！ 米気 地址：紅磡黃埔天地百寶坊(第3期)地下G32號鋪 月見博多地雞團子定食 $78 醬油蛋飯 +$8 明太子厚蛋燒 +$18 （追加） 米気雪糕 +$20 （追加） 你妳 地址：紅磡必嘉街103-105號寶石戲院大廈地下L號鋪 肉鬆芋泥吐司 $42 芝士玉米蛋餅 $36 煎餅廚房 地址：紅磡蕪湖街83號地下7號鋪 北京烤鴨煎餅 $47 薄脆 +$3 滄浪亭 地址：紅磡蕪湖街111號蕪湖居地下C1號鋪 嫩雞煨麵 $53 糖醋排骨 $50 延伸閱讀： 【大埔家姐帶路之大埔名物尖叫系列】    • 【大埔家姐帶路之大埔名物尖叫系列】今集繼續對唔住大家睇片時煩請降低音量｜繼續創造慘痛...   【長洲家姐帶路之長洲2.0】    • 【長洲家姐帶路之長洲2.0】長洲人發板帶你遊長洲｜入長洲可以搭船入西灣？｜攞正牌做f...   【18區搵食-大圍2.0之堅隱世村屋蛋包飯】    • 【18區搵食-大圍2.0之堅隱世村屋蛋包飯】大圍必食2間人氣麵店｜似日本拉麵湯底嘅棉...   【18區搵食-食爆觀塘老母2.0】    • 【18區搵食-食爆觀塘老母2.0】人氣星馬飯店｜每食一啖都辣親嘅胡椒湯麵｜好飲腐竹薏...