SiKUJUA kama mimi ndiye nitakaye vaa viatu vyake ' NILISHTUKA na NIKAUMIA' PINDA amzungumzia Lowassa

Waziri Mkuu mstaafu Mizengo Pinda amesema kuwa hakupata nafasi ya kukutana na aliye kuwa waziri mkuu wa awamu ya nne Edward Lowassa na kuzungumza naye kitu chochote mara baada ya kutangaza kujiuzulu Bungeni Jijini Dodoma. Pinda amesema hiyo ilitokana na hali ilivyokuwa kwa wakati ule baada ya Lowassa kutangaza uamuzi huo kwani hakuna hata mmoja aliyetegemea hivyo hata yeye alishindwa kuzungumza naye kitu chochote kutokana na uamuzi wake huo. Hayo ameyaeleza leo jumanne Februari 13,2024 nyumbani kwake Zuzu jijini Dodoma wakati alipotembelewa na mwananchi Digital kuzungumzia namna alivyoguswa na kifo cha aliyekuwa waziri mkuu wa kipindi cha awamu ya nne Edward Lowassa. Amesema kwa wakati wote huo hakutegemea kuwa angeteuliwa kurithi nafasi yake hivyo ilikuwa ngumu kidogo kupokea taarifa za uteuzi sababu haikuwa rahisi na hakujua kama yeye atakuja kurithi nafasi ya waziri mkuu.