भारतीय संविधानातील वैज्ञानिक दृष्टीकोन (संविधान संवादक राजवैभव शोभा रामचंद्र यांचे विशेष व्याख्यान)

डॉ. भालचंद्र काकडे स्मृती व्याख्यानमाला (वर्ष चौथे- २०२५) निपाणीचे सुपुत्र, शिवाजी विद्यापीठाचे माजी विद्यार्थी आणि उदयोन्मुख शास्त्रज्ञ डॉ. भालचंद्र काकडे यांचे दि. ४ मे २०२१ रोजी अकाली निधन झाले. त्यांच्या स्मृतिप्रित्यर्थ आ'लोकशाही वाहिनीच्या वतीने 'डॉ. भालचंद्र काकडे स्मृती व्याख्यानमाला' सन २०२२ पासून ऑनलाईन आयोजित करण्यात येत आहे. विज्ञान हा गाभा ठेवून विज्ञानविषयक जाणीवजागृती व प्रसार याला ही व्याख्यानमाला समर्पित आहे. या व्याख्यानमालेत यंदा चौथ्या वर्षाचे पुष्प गुंफताहेत प्रख्यात संविधान संवादक श्री. राजवैभव शोभा रामचंद्र. राजवैभव हे संविधानाच्या प्रचार व प्रसाराला समर्पित असे तडफदार युवा व्यक्तीमत्त्व असून भारतीय नागरिकांत संविधानविषयक जनजागृतीसाठी झंझावाती कार्य करीत आहेत. या व्याख्यानमालेमध्ये श्री. राजवैभव 'भारतीय संविधानातील वैज्ञानिक दृष्टीकोन' या विषयावर मांडणी करत आहेत. भारतीय संविधानाला अभिप्रेत वैज्ञानिक दृष्टीकोन, त्याची व्याप्ती, सर्वंकषता, परिपूर्णता आणि भारतीय समाजजीवनाला नवी दिशा देण्यासाठी त्या दृष्टीकोनाचे महत्त्व आदी बाबींवर श्री. राजवैभव या व्याख्यानात प्रकाश टाकतात. विज्ञान विद्याशाखांच्या पलिकडले विज्ञान समजून घेण्याच्या दृष्टीने आवर्जून ऐकावे, असे हे व्याख्यान. #dralokjatratkar #alokjatratkar #rajvaibhavshobharamchandra #constitution #constitutionofindia #science #scientifictemper #scientifictemperinconstitution