طفلة 9 سنوات وأدمنت الانترنت.. استشارة وحل

الفيديو هو رد على هذه الاستشارة: انا بنتي ٩ سنين طبعا بسبب الحجر بالمنزل ادمنت الموبيل و الايباد حاولت اخليها تقلل مش عرفت كان عندي امل علي شهر ٧ ننزل بلدنا و تشوف ناس و اعرف اسيطر عالوضع بس من كام يوم لاقيتها بتلعب لعبة اسمها hide and seek اللعبة دي فيها chat الناس تكلم بعض انا مش كنت عارفة المهم لمه عرفت لاقتها كانت بتكلم ولد و كان بيقولها كلام مش كويس زي انه هيقلع البنطلون و الحاجات دي ده اللي قالته لمه حاولت اتقرب منها و اعرف قالوا ايه مش عارفة اذا كان في كلام قلة ادب اكتر او لا و قالت ان هي مش قالت حاجة ليه (طبعا الله اعلم) للاسف كنت مسحت اللعبة قبل مااعرف ان في حاجات كده اتكلموا فيها المهم منعت كل اللعب اللي فيها chat قولتها متنزلش اي لعب تاني تكلم فيها حد و اتفقنا اني مش هقول لباباها للاسف رجعت نزلت تاني و لاقيت ولد تاني بيقولها can I kiss you طبعا هما مش شايفين بعض هو كلام بس و هي قالتله No لمه شوفت الكلام منعت الموبيل منها خالص عيطت كتير و قفلت علي نفسها الباب بالمفتاح و كانت بتقول انا عايزة اموت انا بكرهه نفسي و بعدها بشوية طلعت من غرفتها و جابت سكينة من المطبخ و جاتلي قالتلي I want to kill you اخدت منها السكينة و زعقت و دخلتها غرفتها تاني هي عمالة تزعق و تعيط بغرفتها و انا عمالة اعيط بغرفتي و مش عارفة اعمل ايه