東張西望｜媽媽術後身亡 醫療紀錄揭手術同意書被冒簽？

【東張西望】媽媽術後身亡 醫療紀錄揭手術同意書被冒簽？ 早前《東張》收到張先生報料，指佢嘅60幾歲母親，因胰臟癌接受治療期間突然在家吐血，送院後不治，之後佢哋先後收到自稱部門有心人發嚟嘅匿名電話及匿名信，揭露張母嘅死涉及操刀醫生嘅手術失誤及醫療疏忽。 張先生與家人一同與包括涉事醫生在內嘅院方代表會面，但會談過後，張先生佢哋收到院方電話通知，指張母死於手術併發症而並非醫療事故，所以涉事醫生冇任何責任。 張先生不服，向院方申請所有與母親相關嘅醫療紀錄，點知竟然發現手術紀錄中嘅五份同意書入面，有一份睇落唔係由張母簽著，疑似有人冒簽。於是張先生再次聯絡醫院，於7月中再度會面，會談過程亦被張先生錄音。 張先生質疑院方包庇主持手術嘅洪醫生，並掩蓋事件，認為院方應該做好補救工作，避免重蹈覆轍。 而根據匿名人士提供嘅資料，洪醫生有造成醫療事故嘅先例，該匿名人士更喺《東張》發信查詢時批評洪醫生危險、不負責任、傲慢、從來冇感到內疚，永遠唔會悔改。 《東張》就此事向涉事醫院及醫管局查詢，院方回覆已將個案呈報死因裁判法庭跟進，亦指醫生已向病人講解有關風險，並強調同意書均由病人親自於平版電腦上簽署。同時已向私隱專員公署通報有關匿名報料一事，表示會嚴肅跟進及保留追究權利。 #東張西望 #TVB #胰臟癌 #手術 #醫療事故 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm 0:00 前情提要 0:27 同意書被冒簽？ 1:25 再次會面 2:37 法律意見 3:18 紀錄出錯？ 6:16 手術的迫切性？ 7:35 出事後涉事醫生仲有冇做手術？ 9:28 播放錄音 11:20 院方回應 11:51 匿名人士評價 -------------------------------------------------------------------------- 👉🏻想了解更多TVB 的綜藝最新資訊👈🏻 ❤️❤️即刻like/follow晒我哋TVB 綜藝！！❤️❤️ Facebook :   / tvbvariety   Instagram：   / tvbvariety