Sri Chauragraganya Purushastakam || শ্রী চৌরাগ্রগণ্য পুরুষাষ্টকম

১. ‎ব্রজে প্রসিদ্ধং নবনীতচৌরং ‎গোপাঙ্গনানাং চ দুকূলচৌরম্। ‎অনেক জন্মার্জিত পাপচৌরং ‎চৌরাগ্রগণ্যং পুরুষং নমামি।। ‎২. ‎শ্রীরাধিকায়া হৃদয়স্য চৌরং ‎নবাম্বুদশ্যামলকান্তিচৌরম্। ‎পদাশ্রিতানাং চ সমস্ত চৌরং ‎চৌরাগ্রগণ্যং পুরুষং নমামি।। ‎৩. ‎অকিঞ্চনীকৃত্য পদাশ্রিতং যঃ ‎করোতি ভিক্ষুং পথি গেহহীনম্। ‎কেনাপ্যহো ভীষণচৌর ঈদৃগ ‎দৃষ্টঃ শ্রুতো বা ন জগত্রয়েহপি ॥ ‎৪. ‎যদীয় নামাপি হরত্যশেষং ‎গিরি-প্রসারানপি পাপরাশি। ‎আশ্চর্যরূপঃ ননু চৌর ঈদৃগ ‎দৃষ্টঃ শ্রুতো বা ন ময়া কদাপি ॥ ‎৫. ‎ধনং চ মানং চ তথেন্দ্রিয়াণি ‎প্রাণাংশ্চ হৃত্বা মম সর্বমেব । ‎পলায়সে কুত্র ধৃহেদ চৌর ‎ত্বং ভক্তিদান্নসি ময়া নিরুদ্ধঃ ॥ ‎৬. ‎ছিনৎসি ঘোরং যমপাশবন্ধং ‎ভিনৎসি ভীমং ভবপাশবন্ধ। ‎ছিনৎসি সর্বস্য সমস্তবন্ধং ‎নৈবাত্মনো ভক্তকৃতং তু বন্ধম্ ॥ ‎৭. ‎মন্মানসে তামসরাশিঘোরে ‎কারাগৃহে দুঃখময়ে নিবদ্ধঃ। ‎লভস্ব হে চৌর! হরে! চিরায় ‎স্বচৌর্যদোষোচিতমেব দণ্ডম্ ॥ ‎৮. ‎কারাগৃহে বস সদা হৃদয়ে মদীয়ে ‎মদ্ভক্তিপাশদৃঢ়বন্ধন-নিশ্চল সন্। ‎ত্বং কৃষ্ণ হে! প্রলয়কোটিশতান্তরেহপি ‎সর্বস্বচৌর হৃদয়ান্নহি মোয়ামি ॥