Қағаз жүзінде әрқайсысы 15 миллионға салынған спорттық алаңдар шынында жоқ болып шықты

Алматы облысы Сарқан ауданында қағаз жүзінде әрқайсысы 15 миллион теңгеге салынған спорттық алаңдар шын мәнісінде жоқ болып шықты. Ауданның Бақалы, Көкөзек, Алмалы ауылдарында былтыр керемет спорттық алаңдар салынуы тиіс еді. Шенділер жұмыс істелмесе де мердігердің шотына келісім-шартта көрсетілген 45 млн теңге ақшаны толықтай аудара салған. "Қозғал, Қазақстан!" жобасы аясында Сарқан ауданындағы сұмдықты Самал Қабышева баяндайды. САМАЛ ҚАБЫШЕВА, тілші: – Құжат жүзінде салынып біткен спорт алаңының бірі Алмалы ауылында орналасқан. Дәл осы объектіні салу үшін 15 млн теңге бөлінген. Тіпті құжат жүзінде пайдалануға беріліп те қойған. Алайда 15 млн теңгеге салынды делінген спорт алаңының жай-күйі міне осы. Қиыршық тас пен арам шөптен басқа бұл жерде ештеңе жоқ. АСХАТ ТҰРҒАНБЕКОВ, Алмалы ауылдық округінің әкімі: – Бұл жұмыстар былтыр қазан-қараша айында басталды. Қиыршық тас төкті, жан-жағын бетондады, сонымен жұмыстар тоқтады. Заманауи қоршауы бар алаң салынады деді. Қуанышымыз зор болды. Бірақ су сепкендей басылды. Комиссияның мүшесінде бар екенімді де білмеймін, құжат та көрмедім, қол да қоймадым қабылдап алғанын. САМАЛ ҚАБЫШЕВА, тілші: – Ал бұл Көкөзек ауылындағы спорттық алаң. Ал мұндағы жұмыстар былтыр қараша айының 30 күні аяқталып біткен. Ал шын мәнісінде 15 млн теңгеге салынды делінген спорттық алаңның бүгінгі көрінісі міне осындай. Тіпті төгілген тастың өзі тау болып үйіліп жатыр. Ал Сарқан ауданының Бақалы, Көкөзек, Алмалы ауылдарында үш спорттық алаңды құжат жүзінде салған "Бағалы-Алакөл" мердігер компаниясы. Ең сорақысы 45 млн теңгенің жұмысы атқарылмаса да толық қаражат мердігер компанияның шотына аударылған. Құжат жүзінде жұмыстар былтырғы жылдың 30 қарашасында аяқталған. "Бағалы-Алакөл" мердігер компаниясымен келісім-шарт жасасқан Сарқан ауданының тұрғын үй коммуналдық шаруашылық бөлімінің басшысы Ғабит Сәбитұлы ақшаны жұмыс атқарылмаса да жеке компанияның шотына аударғанын мойындап, жағдайды былай түсіндірді Бағалы-Алакөл компаниясының былтырғы жылғы айналымының өзі 4 млрд 300 млн теңге екен. Ал Сарқан ауданының әкімдігімен үш алаңды салу үшін келісім шарт бір көзден ғана жасалған. Бірақ, компания ала жаздай спорттық алаңдарды неге жасамай жүргені түсініксіз. Ауылдарда бұқаралық спорт бұдан соң қайтіп дамысын? Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #қағазбастылық #спорт #тендер #былықтар