Экинчи аял / 2-бөлүм / Бактыгүл Байтикова

Нази ооруканадан чыккандан кийин жашоосун кайрадан баштоону чечет. Жолдошу Бекеш аны көрүүгө аракет кылганы менен, экөөнүн ортосундагы ишеним биротоло үзүлгөн эле. Ал балдары үчүн жашап, күйөөсүн унутууга аракет кылат. Кокусунан курбусу Жамалга жолугуп, анын жардамы менен логистикалык борборго жумушка орношот. Башында өзүнө ишенбей кыйналганы менен, жаңы кесипти бат эле өздөштүрүп, биринчи жолу өз эмгеги менен 750 доллар айлык алат. Бул анын өз күчүнө болгон ишенимин кайра жандандырат. Бир жарым айдан кийин Бекеш үйүнө келип, Назини мурдагыдай эле өзүнүн аялы катары көрөрүн айтып, анын иштешине каршы чыгат. Бирок мурдагы жоош, унчукпас Нази жок эле. Ал өзүнүн кадыр-баркы менен бактысын эч ким менен бөлүшпөй турганын ачык айтып, Бекешти кайра үйүнөн чыгарып жиберет. Ошентип, Нази биринчи жолу өз тагдырын өзү чечкен, өзүнө ишенген күчтүү аялга айланып, балдары менен жаңы жашоого ишенимдүү кадам таштайт. пикир калтырыңыз