Поплик 51 тадбиркор ўз дўконининг депутатга олиб берил. тўхтатишни сўраб Мирзиëевга мурожаат қилди
Наманган вилоят, Поп туман марказида жойлашган 50 дан ортиқ дўкон эгалари Наманган вилояти ва Поп тумани ҳокимларини Халқ депутатлари Наманган вилояти кенгаши депутати¸ “Поп савдо маркази” МЧЖси эгаси Сардор Раҳмоновга 7 қаватли уй қуриш учун ўз хусусий мулкларини олиб бериш учун босим қилаëтганликда айблади. Тадбиркорлар президент Мирзиёевга аталган видеомурожаатини Озодликка тақдим қилди. Озодлик гаплашган тадбиркорлар Мирзиëевнинг Наманганга кутилаëтган ташрифи давомида вилоят ҳокимига жуда яқин бўлган Сардор Раҳмоновнинг ўз мега-лойиҳасини президент тасдиғидан ўтказишга чоғланаëтганидан қаттиқ хавотир билдирди. Поп туман ҳокимлиги мулозими¸ қолаверса тадбиркор-депутат Раҳмонов 51 тадбиркор билан музокаралар ҳозирча боши берк кўчага кириб қолгани¸ аммо улар мулкига ҳеч ким “бульдозер солиш” ниятида эмаслигини билдирди. Президентнинг бир оғиз гапи билан 51 тадбиркор хусусий мулкидан ажраши мумкин Поп туман марказидаги 51 та дўкон эгаси ўзларини Озодлик орқали мурожаат билан чиқишга Шавкат Мирзиëевнинг яқин кунлар ичида Наманганга кутилаëтган сафари мажбурлаганини билдирди. “Ҳозир Наманганда президент келишига тайëргарлик кетяпти. Вилоят ва Поп ҳокими президентга кўрсатиладиган объектлар ва ҳужжатлар устида ишлаяпти. Вилоят ҳокимининг любимчиги Сардор Раҳмоновнинг Поп марказида Тошкент типидаги 7 қаватли турар-жой биноси¸ унга туташ боғча ва парк қилиш лойиҳасини президентга кўрсатиб¸ уни бош планга киритишмоқчи. Агар президент бунга добро берса¸ бизнинг уйимиз куяди. 51 та тадбиркорнинг хусусий мулкига эртасигаëқ бульдозер солинади. Сабаби¸ биз ўтган йилдан бери дўконларимизни бу тадбиркорга беришга розилик бермай келяпмиз. Лекин Поп генпланини президент тасдиқласа¸ биздан биров рухсат ҳам сўрамай¸ дўконларимизни бузади”¸ дейди Озодлик гаплашган поплик тадбиркорлардан бири. Поплик тадбиркорлар¸ ана шу эҳтимолнинг олдини олиш¸ “президентни алдамасликлари” учун қилган видеомурожаатида Мирзиëевдан битта “сохта тадбиркор” манфаати учун 51 та бошқа тадбиркорни қурбон қилмасликни сўрайди.
PREZIDENT HOKIMLARDAN NOROZI. GOʻSHT NARXI TUSHADIMI?
Bepul non, chipta va tibbiy xizmatlar - O‘zbekistonda ko‘paygan ehsonchilar
Jamshidbek Normatov - Yangi boylar nomli konsert dasturi 2026
Prezident Shavkat Mirziyoyevning Toshkent viloyatiga tashrifi tafsilotlari | Ахборот 24 (22.07.2026)
Xitoy — AJDARHO UYG‘ONDI | SUBYEKTIV
Anomal issiq - elektrga cheklov, qimmatlagan propan va quruq va’dalar
AQSH Eronga qarshi ketma-ket 11 kundirki zarba bermoqda | Ukrainaga bosqin
Belarusdagi andijonliklar va pensiya islohoti | Hafta dayjesti
Tramp Kanadaga 50 foiz boj solishga farmon berdi | Ukrainaga bosqin
Nemis politsiyasi o‘zbeklarga oid sxemani tergov qilmoqda
“Sevimli” hokim, oshxo‘r qiz va super sudyalar / Darvoqe
Matrix nimani yashirgan? | Simulyakr va Simulyatsiya haqida suhbat | Hamid Sodiq
Негатив 660: "Миграция иши": Тоштемиров гапиряпди. Мусаев сукутда.
Markaziy Osiyoda kuch va siyosat - Tashiyev voqeasi
Ахборот 24 | Поп тумани Уйғурсой қишлоғидаги бунёдкорлик ташаббуслари
Belarusga yangi yo‘nalish: Rossiya o‘rnini Minsk bosadimi?
OZODNEWS: Prezident xavfsizlik xizmati rahbari ishdan olindi | Ukrainaga bosqin
Fedorov iste’fosi, Rossiyada yoqilg‘i inqirozi va Eronga yangi zarbalar " Ukrainaga bosqin
“Chipsxo‘r” hokim muovini yoxud poplik mulozim nega 7 sinf bolasidan xafa?
