മാലിയിൽ അപ്രതീക്ഷിത നീക്കങ്ങൾ ! അലയൊലികൾ ഭാരതത്തിലും ?

ഭൂമിശാസ്ത്രപരമായി സങ്കീർണ്ണവും രാഷ്ട്രീയമായി അസ്ഥിരവുമായ പശ്ചിമാഫ്രിക്കൻ മേഖലയിലെ സഹേൽ പ്രവിശ്യ ഇന്ന് ആഗോളതലത്തിൽ തന്നെ ഏറ്റവും വലിയ സുരക്ഷാഭീഷണികൾ നേരിടുന്ന ഒരു യുദ്ധഭൂമിയായി മാറിയിരിക്കുകയാണ്. മാലിയിലെ കേണൽ അസിമി ഗോയിറ്റയുടെ നേതൃത്വത്തിലുള്ള സൈനിക ഗവൺമെന്റും കഴിഞ്ഞ ആറുവർഷത്തോളമായി തങ്ങളുടെ ജനങ്ങൾക്ക് നൽകിക്കൊണ്ടിരുന്നത് ഇതേ വാഗ്ദാനമായിരുന്നു. ഫ്രഞ്ച് സൈന്യത്തെ രാജ്യത്തുനിന്ന് പുറത്താക്കിയെന്നും റഷ്യൻ സൈനിക കരാറുകാരായ ആഫ്രിക്ക കോർപ്സ് എന്ന പണ്ടത്തെ വാഗ്നർ ഗ്രൂപ്പ് രാജ്യത്ത് സുരക്ഷയൊരുക്കാൻ എത്തിയെന്നും അവകാശപ്പെട്ട സൈനിക ഭരണകൂടം, തങ്ങൾ മാത്രമാണ് മാലിയെ രക്ഷിക്കാൻ ശേഷിയുള്ള ഏക ശക്തിയെന്ന് സ്വയം പ്രഖ്യാപിച്ചിരുന്നു. എന്നാൽ ഭരണം നിയന്ത്രണവിധേയമാണെന്ന സൈന്യത്തിന്റെ എല്ലാ അവകാശവാദങ്ങളെയും കാറ്റിൽപ്പറത്തിക്കൊണ്ടാണ് സമീപകാല ചരിത്രത്തിലെ ഏറ്റവും ഭീകരവും ആസൂത്രിതവുമായ അട്ടിമറി ആക്രമണം മാലിയിൽ അരങ്ങേറിയത്. #malicrisis #sahelgeopolitics #africasecurity #internationalnewsinmalayalam #tatwamayinews