ਇਤਿਹਾਸ ਬੋਲਦਾ l ਜਸਪ੍ਰੀਤ ਕੌਰ ਜੱਸ l ਸਤਗੁਰ ਨੰਗਲਾ l new Punjabi Song 2026

Song: Itihaas Bolda Singer: Jaspreet Kaur Jass Lyrics : Satgur Nangla Music: Harman Production Level : Satgur Nangla ਸੋਮਨਾਥ ਤੋਂ ਵੱਡੀ ਮੁਲਖ ਨੂੰ ਹੋਣੀ ਕਿਹੜੀ ਹਾਨੀ, ਤਖਤ ਤੌਸ਼ ਦਾ ਖੋ ਗਿਆ ਕਿੱਥੇ, ਦੱਸਦੇ ਨਾ ਅਫਗਾਨੀ। ਬੁੱਲੇ ਸ਼ਾਹ ਨੇ ਆਖਿਆ ਕੀਹਨੂੰ, ਭੂਰਿਆਂ ਵਾਲੇ ਰਾਜੇ, ਚੜਦੀ ਕਲਾ ਵਿਚ ਰਹਿੰਦੇ ਸੂਰੇ, ਫੱਟ ਖਾਕੇ ਨਿੱਤ ਤਾਜੇ। ਸ਼ਹੀਦੀਆਂ ਦੇ ਕੇ ਮਿਲਿਆ ਕੀ ਦੱਸ ਖਿੱਦੋ ਪਾੜ ਕੇ ਲੀਰਾ, ਨਾਦਰਸ਼ਾਹ ਨੇ ਪੱਗ ਵਟਾ ਕੇ ਸੌਖਾ ਖੱਟ ਲਿਆ ਹੀਰਾ। ਘੋੜਿਆਂ ਉਤੇ ਸੌੰ ਸੌੰ ਕੱਟੀਆਂ ਝੱਲਾਂ ਦੇ ਵਿਚ ਰਾਤਾਂ, ਸਵਾ ਲੱਖ ਨਾਲ ਲੜ ਕੇ ਕੱਲਾ ਕਰਦਾ ਸੀ ਕਰਾਮਾਤਾਂ। ਬਿਨ ਅੱਖਾਂ ਤੋੰ ਮਾਰਿਆ ਕੀਹਨੇ ਸੁਣ ਕੇ 'ਵਾਜ ਨਿਸ਼ਾਨਾ, ਵਰਕੇ ਚੱਟ ਕੇ ਹੋਇਆ ਰਾਜੀ, ਸਾੜ ਗਿਆ ਕਾਤਿਬ ਖਾਨਾ। ਕਿਹੜੀ ਜੰਗ ਨੂੰ ਕਹਿੰਦੀ ਦੁਨੀਆਂ ਸਿੰਘਾਂ ਦਾ ਸਪਾਟਾ, ਕਿਹੜਾ ਘੱਲੂਘਾਰਾ ਦੇ ਗਿਆ ਸਿੱਖ ਕੌਮ ਨੂੰ ਘਾਟਾ। ਰਤਨ ਸਿੰਘ ਬੱਬਰ ਦੇ ਕੋਲੋੰ ਕੰਬਦੀਆਂ ਸੀ ਸਭ ਜੇਲਾਂ, ਜਿਸ ਥਾਂ ਬਾਬੇ ਰੋਕਿਆ ਪੱਥਰ, ਰੋਕੀਆਂ ਹਿੱਕ ਤੇ ਰੇਲਾਂ। ਫਾਂਸੀ ਦਾ ਇਕ ਗੀਤ ਲਿਖ ਗਿਆ ਹੱਸ ਕੇ ਵੀਰ ਸ਼ਰਾਭਾ, ਲੰਡਨ ਸ਼ਹਿਰ ਨੂੰ ਵਖਤ ਪਾ ਗਿਆ ਕਹਿੰਦੇ ਦੇਸ ਦੁਆਬਾ। ਚਮਕੌਰ ਸਾਹਿਬ ਦੀ ਕਤਲਗੜੀ 'ਤੇ ਲਿਖਿਆ ਇਕ ਤਰਾਨਾ, ਅੱਲਾ ਯਾਰ ਤੇ ਨਾਜ਼ ਕਰੂਗਾ ਸਦੀਆਂ ਤੱਕ ਜਮਾਨਾ। ਸਿਰਾਂ ਦੇ ਉਤੇ ਸੋੰਹਦੀਆਂ ਪੱਗਾਂ, ਜਿਉੰ ਬੁਰਜਾਂ ਤੇ ਝੰਡੇ। ਹੱਦਾਂ ਬੰਨੇ ਵੰਡ ਗਿਆ ਗੋਰਾ, ਕੌਣ ਦਿਲਾਂ ਨੂੰ ਵੰਡੇ। ਲਿਖਤ ਸਤਗੁਰ ਨੰਗਲਾ