மாதாவே! மாதாவே! மாசிலா மலரே! | Mathave Mathave Maasilla Mariye.

மாதாவே! மாதாவே! மாசிலா மலரே! மங்காத ஒளியே! மகிமையின் நிறைவே! மாதாவே! மாதாவே! மன்றாட்டுத் துணையே! மகனிடம் எம்மை வழிநடத்தும் அன்னையே! மாதாவே! மாதாவே! மாசிலா மலரே.................... தாழ்மையின் திருவுருவே, தூய அன்னையே! தாங்கிடும் கருணையின் தாயே, அன்னையே! இறைவனின் திருவுளம் ஏற்று வாழ்ந்தவளே, இம்மக்கள் வாழ்வுக்கு இன்பம் தந்தவளே. விண்ணக அருளின் விளக்காய் விளங்கும், விடியலின் வெள்ளியாய் வழிகாட்டும்; உம் திருவடி நிழலில் தங்கிடும் எமக்கு, உறுதியும் அமைதியும் ஊற்றிடும் அன்னையே. மாதாவே! மாதாவே! மாசிலா மலரே.................... கன்னிமையின் களஞ்சியமே, கற்பின் மணியே! கருணையின் கடலே, கனிவின் அணியே! மனமெலாம் தூய்மை மலரச் செய்பவளே, மகனிடம் எம்மை மகிழ்வோடு சேர்ப்பவளே. துயரங்கள் சூழ்ந்திடும் வேளையிலெல்லாம், துணையாக நிற்கும் தாயன்பு நீயே; கண்ணீரைத் துடைத்திடும் கருணைக் கரமே, கலங்கிய நெஞ்சுக்கு காப்பகம் நீயே. மாதாவே! மாதாவே! மாசிலா மலரே.................... விண்ணரசி மாதாவே, வாழ்த்துதல் உமக்கே! வியப்புறும் நற்பேறு வாய்ந்தவள் நீயே! அருள்நிறை வாழ்வின் அழகிய சான்றே, அன்புடன் எம்மை அணைத்திடும் தாயே! மகனின் திருவழி நடக்கச் செய்வாயே, மறையொளி வாழ்வில் மலரச் செய்வாயே; எந்நாளும் எம்மை ஏந்திடும் அன்னையே, இறைவனின் அருகில் இணைத்திடும் தாயே! வாழ்த்துதல் உமக்கே! வணங்குதல் உமக்கே! மகிமையின் தாயே! மாசிலா மலரே! இயேசுவின் அன்பினில் எம்மை வளர்த்திடும், இனிய அன்னை மாதாவே, காத்தருள்வாயே!