Неміс деп баласын үйлендірмей қойды

«Ол кезде мен жиырма жастамын. Жігітім менен төрт жас үлкен. Екеуміз бір-бірімізді қатты сүйдік. Мен сұлу едім. Қазіргі түріме қарама» деп, маған қарап күліп қойды. Әйел адамның бәрі жас күнін, сол кездегі сұлулығын ерекше тамсанып айтқанды жақсы көрмей ме?! Мен «Сіз қазір де сұлусыз» дедім жымиып. Апам риза болып қалды. «Содан жігітім екеуміз үйленеміз деп шештік. Жігіт әке-шешесіне айтқан екен. Әкесі «менің әкемді өлтірген немістің қызына үйленбейсің. Үйлендірмеймін!» деп, кесіп айтыпты. Содан екеуміз екі айырылдық. Қазір ойласам, неткен топастық. Оның атасына менің не қатысым бар?» деп маған қарады. Мен мақұлдағандай басымды изеп қойдым. Өзінің сөзінің дұрыстығына көзі жеткен апам одан сайын мәз болып қалды. Ол әңгімесін қайта сабақтады. Автор: Гүлжан Амангелдіқызы #әсерліәңгіме #қызықтыоқиға #аудиоәңгіме #болғаноқиға