هموت نفسي علشان الدنيا بتموتني 1 (Defusion) - مراجعة - العلاج بالقبول والالتزام

أنا واحد من الناس المؤمنين بالألم : )) وواحد من الناس المؤمنين بالعلاج النفسي، والتعلم. . وواحد من الناس المؤمنين بالتغيير، وإننا نقدر نحسـن اللي بنمر بيه، ونقدر نعيش بشكل أحسـن، لما نتعالج، ولما نتعلم، ولما نشتغل على نفسنا واللي بنمر بيه، وعلشـان كده اخترت الشغلانة دي، وعلشـان كده أنا هو أنا، وده ما يميزني على الحقيقة. . إيماني الصادق بجدوى ما أفعله، رغم كل صعوبات العالم : )) والسلسلة دي جزء من إيماني بالعلاج النفسي والتعلم والعلم : )) أيوة الألم حتمي. . وأيوة عندنا طريقة للتعامل مع الألم الحتمي بدون ما نموت نفسنا. السيشن دي، وأكثر من سيشن جاية بعنوان رئيس: هموت نفسي علشان الدنيا بتموتني. . عن إزاي بنقتل نفسنا بكل شكل وبكل طريقة، علشـان العالم سبق وقدملنا ده بأشكال مختلفة. اخترت إنه السيشن دي تكون مراجعة، علشـان لو حد ربنا هيفتح عليه ويلحقنا في الرحلة دي، اللي هي بالأساس جزء من مجلس: العطف على النفس، لكـن هي متاحة للجميع صدقة لأهل المجلس، ولضيوي حبيبتي. بنعيد في السيشن دي تكوين 3 أشياء: 1. أعمل إيه لما اللي جوايا يبقى أكبر من قدرتي على التعامل (إلقاء المرساة). 2. معملش إيه لما يكون عندي شيء مش محلول جوايا (نحو مزيد من اليأس). 3. المشكلة فين!! المقاومة هي المشكلة إزاي؟! إيه اللي في إيدي علشان أشتغل عليه، وإيه اللي مش في إيدي مموتش نفسي بسببه. . (مش هتجنب طب أعمل إيه! - إيه اللي في إيدي؟). هنبدأ من السيشن دي طريق فك الاندماج، ونكمله في المرات الجاية. "فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ".