Athmeeya Geethangal - ആത്മീയ ഗീതങ്ങൾ Song no - 187 - Ithuvare enne karuthiya Naadha-ഇതുവരെയെന്നെ

ഇതുവരെ എന്നെ കരുതിയ നാഥാ ഇനിയെനിക്കെന്നും തവ കൃപ മതിയാം ഗുരവരനാം നീ കരുതുകില്‍ പിന്നെ കുറവൊരു ചെറുതും വരികില്ല പരനെ ! അരികളിന്‍ നടുവില്‍ വിരുന്നൊരുക്കും നീ പരിമള തൈലം പകരുമെന്‍ ശിരസ്സില്‍ പരിചിതര്‍ പലരും പരിഹസിച്ചെന്നാല്‍ പരിചില്‍ നീ കൃപയാല്‍ പരിചരിച്ചെന്നെ തിരു ചിറകടിയില്‍ മറച്ചിരുള്‍ തീരും വരെ എനിക്കരുളും അരുമയോടഭയം കരുണയിന്‍ കരത്തിന്‍ കരുതലില്ലാത്ത ഒരു നിമിഷവുമീ മരുവിലില്ലെനിക്ക് ഇരവിലെന്‍ ഒളിയായ് പകലിലെന്‍ തണലായ്‌ ഒരു പൊഴുതും നീ പിരിയുകയില്ല മരണത്തിന്‍ നിഴല്‍ താഴ്വരയത്തിലും ഞാന്‍ ശരണമറ്റവനായ് പരിതപിക്കാതെ വരുമെനിക്കരികില്‍ വഴി പതറാതെ കരം പിടിച്ചെന്നെ നടത്തിടുവാന്‍ നീ തല ചെരിചിടുവാന്‍ സ്ഥലമൊരു ലവമീ ഉലകിതിലില്ല മനുജ കുമാരാ ! തല ചെരിയ്ക്കും ഞാന്‍ തവ തിരു മാറില്‍ നലമൊടു ലയിക്കും തവ മുഖ പ്രഭയില്‍