18 മൂർത്തികൾ വാഴുന്ന ക്ഷേത്രമാണ് ചന്ദനക്കാവ് | Chandanakavu Temple Documentary | Temple Diary

ചന്ദനക്കാവ് ക്ഷേത്രം 🙏 *********************************************** സുഖപ്രസവത്തിന് അനുഗ്രഹം തരുന്ന ഈറ്റില്ലത്തമ്മ; മലപ്പുറത്തെ ചന്ദനക്കാവ് ഭഗവതി-Chandanakkavu Temple Malappuram ചന്ദനമരങ്ങളുടെ ആധിക്യം വളരെ പണ്ടു മുതൽ തന്നെ ഉണ്ടായിരുന്നതിനാലാണ് ഈ ക്ഷേത്രത്തിന് ചന്ദനക്കാവ് എന്ന പേര് ലഭിച്ചത്. 18 മൂർത്തികൾ വാഴുന്ന ക്ഷേത്രമാണ് ചന്ദനക്കാവ്. തിരുനാവായ്ക്കും പുത്തനത്താണിയ്ക്കും ഇടയിലാണ് ചന്ദനക്കാവ് ക്ഷേത്രം സ്ഥിതി ചെയ്യുന്നത്. വനത്തിനുള്ളിൽ പത്നീസമേതനായി വാഴുന്ന വനശാസ്‌താവ്, വള്ളികൾ നിറഞ്ഞു നിൽക്കുന്ന കാവിലെ വള്ളിക്കാവിലമ്മ, മേൽപത്തൂർ നാരായണ ഭട്ടതിരി ഉപാസിച്ച ഗണപതി, വിഷ്ണു, വേട്ടയ്ക്കാരൻ, കീഴേക്കാവിലെ ദേവി തുടങ്ങിയവയാണ് പ്രതിഷ്ഠകൾ സുബ്രഹ്‌മണ്യൻ, വേട്ടയ്ക്കരൻ, വിഷ്‌. കീഴേക്കാവിലമ്മ എന്നിവർക്കാണ് ഇവിടെ പ്രത്യേകം ശ്രീകോവിലുകളുള്ളത്. ചന്ദനക്കാവ് ഭഗവതി ഇവിടെ കുടികൊള്ളുന്നത് ഭദ്രകാളി സങ്കൽപത്തിലാണ്. ദേവിയുടെ കൂടെ അതേ പീഠത്തിൽ ഇടതുഭാഗത്ത് യവനിക്ഷൻ എന്ന ശൈവശണിയും കൂടി കൊള്ളുന്നു. ഇവിടെ തന്നെ രണ്ട് ചെറിയ ശ്രീകോവിലുകളിലായി കാരായ ഭഗവതിയും ഗർഭരക്ഷാംബികയായ ഈറ്റില്ലത്തമ്മയും കുടികൊള്ളുന്നു. വട്ടശ്രീകോവിലിനുള്ളിൽ ചതുർബാഹുവായ വൈകുണ്ഠനാഥനാണ് പ്രതിഷ്ഠ. ഈ ശ്രീകോവിലിന്റെ ഭിത്തിയിൽ മേൽപ്പത്തൂർ ഭട്ടതിരിപ്പാട്‌ വരച്ച ഗണപതിയുടെയും ഗരുഡാരൂഢനായ കൃഷ്‌ണൻറെയും ചിത്രങ്ങൾ കാണാം. ക്ഷേത്രത്തിലെ എട്ടുപിറക്കാൻ എന്ന ചടങ്ങ് വളരെ പ്രസിദ്ധമാണ്. ദൂരനാട്ടിൽ നിന്ന് പോലും ഇവിടേക്ക് ആളുകൾ ഈ ചടങ്ങ് നടത്താനായി എത്താറുണ്ട്. ഗർഭകാലത്തിൻ്റെ ഏഴാം മാസത്തിൻ്റെ അവസാനത്തോടെ സ്ത്രീകൾ ഇവിടെ ഭഗവതിയെ കണ്ട് പ്രാർത്ഥിക്കുവാനായി വരുന്ന ചടങ്ങാണിത്. ഈറ്റില്ലത്തമ്മയെ കണ്ട് പ്രാർത്ഥിക്കുന്നതാണ് ചടങ്ങ്. സുഖകരമായ പ്രസവത്തിന് ഭഗവതിയുടെ അനുഗ്രഹം നേടുവാനാണ് ഇവിടെ വരുന്നത്. ഇതിനായി ചുവപ്പും കറുപ്പും നടയിൽ വയ്ക്കുക, നിറമാല ചാർത്തുക തുടങ്ങിയവയാണ് ഇവിടുത്തെ വഴിപാടുകൾ. നേരത്തെ കലം കമിഴ്ത്തൽ ചടങ്ങ് ഉണ്ടായിരുന്നുവെങ്കിലും ഇപ്പോഴത് പ്രചാരത്തിലില്ല. സന്താനഭാഗ്യം ലഭിക്കാത്തവരും ഇവിടെയെത്തി പ്രാർത്ഥിക്കാറുണ്ട് ഉദ്ദിഷ്ടകാര്യസിദ്ധിക്ക് ഇവിടെയെത്തി വഴിപാടുകളും പ്രാർത്ഥനകളും നടത്തിയാൽ മതിയെന്നാണ് വിശ്വാസം. ഇതിനായി കളംപാട്ട്, ഗർഭരക്ഷയ്ക്കും സുഖപ്രസവത്തിനും സന്താനഭാഗ്യത്തിനും ഈറ്റില്ലത്തമ്മയ്ക്ക് കറുപ്പുചാർത്തൽ, നിറമാല, ഉദ്ദിഷ്ടകാര്യസാധ്യത്തിനും ശത്രുദോഷ പരിഹാരത്തിനും ഗുരുതി, സരസ്വതി ദേവിക്ക് സാരസ്വത പൂജ തുടങ്ങിയവയാണ് ക്ഷേത്രത്തിലെ പ്രധാന വഴിപാടുകൾ. മലപ്പുറം ജില്ലയിൽ പുത്തനത്താണി-തിരുന്നാവായ റോഡിൽ ചന്ദനക്കാവ് ബസ് സ്റ്റാൻഡിന് അടുത്താണ് ചന്ദനക്കാവ് ഭഗവതി ക്ഷേത്രം സ്ഥിതി ചെയ്യുന്നത്. പുത്തനത്താണിയിൽ നിന്നും തിരുന്നാവായ റോഡിൽ നാലു കിലോമീറ്റർ ദൂരയാണ് ക്ഷേത്രം.