“Nuk janë 50 milionë euro"/ Rama zbulon prapaskenat e koncertit të Kanye: Shteti ndërhyri me 4 mln €

#oranews #edirama #kanyewest Përmes një video-mesazhi të publikuar në rrjetet sociale, Kryeministri Edi Rama ka hedhur poshtë akuzat e opozitës dhe aktivistëve politikë se qeveria shqiptare ka shpenzuar 50 milionë euro për organizimin e koncertit të artistit ndërkombëtar Kanye West. Rama e cilësoi këtë pretendim si një “gënjeshtër me bisht” dhe sqaroi se shteti fillimisht nuk kishte asnjë angazhim financiar, pasi aktiviteti është tërësisht privat dhe bazohet te sponsorat e shitja e biletave. Megjithatë, kreu i qeverisë pranoi se ekzekutivi u detyrua të ndërhyjë me një fond prej 4 milionë eurosh për të shmangur anulimin e koncertit dhe “turpërimin e Shqipërisë” përpara dhjetëra mijëra vizitorëve të huaj. Sipas tij, ky investim do t’i kthehet shumëfish ekonomisë së kryeqytetit përmes turizmit dhe reklamimit global. Në reagimin e tij, kryeministri sulmoi ashpër eksponentët e opozitës dhe lëvizjes “Shqipëria Bëhet”, duke i akuzuar se po përdorin shpifjet dhe manipulimet për të marrë peng kauzat e sinqerta të qytetarëve dhe për të goditur imazhin e vendit. Ndërsa theksoi se protesta është një e drejtë legjitime në një vend demokratik, Rama bëri thirrje që njerëzit të mos bien pre e dezinformimit të asaj që ai e quajti “kore e zezë e protestës”. Për më shumë lexoni: https://www.oranews.tv/politike/nuk-j... Website: www.oranews.tv Youtube http://bit.ly/2DDddtL Facebook: http://bit.ly/2RkUN4s Instagram   / oranews.one   X https://x.com/oranews_one Follow Televizionin Ora News