Tv Klan - Dalin pamjet e arrestimit të Flodian Plakut në Orikum

Këto janë momentet e arrestimit në një hotel në Orikum, të Flodian Plakut, i dyshuar si autor i vrasjes së Gentjan Bejtjes më 15 mars 2024 në Fushë Krujë. Për këtë ngjarje, ndaj 42-vjeçarit të njohur edhe si Florjan Mamo ose Serjani kishte urdhër ndalimi të miratuar nga Gjykata e Tiranës që prej korrikut të një viti më parë. Krahas tij, për këtë ngjarje në pranga më herët është vënë edhe Ilir Beqaraj. Policia e Vlorës thotë se Flodian Plaku dyshohet si person i implikuar në ngjarje të rënda kriminale në qytetin bregdetar dhe jo vetëm. Në pranga më të parë u vunë edhe 4 persona të tjerë. “Gjatë kontrollit fizik ndaj shtetasit Flodian Plaku, si dhe në ambientet ku qëndronte, u gjetën dhe u sekuestruan: • Një armë zjarri pistoletë, me një krehër dhe 17 fishekë; • 25,000 euro cash, për të cilat po hetohet burimi i dyshuar kriminal; • 7 celularë.” Në konferencën për shtyp, kreu i policisë së Vlorës njoftoi dhe zbardhjen e vrasjes së 58-vjeçarit Renato Hoxhaj më 27 prill të këtij viti në Vlorë. Sipas uniformave blu, në ekzekutim kanë qenë të përfshirë 4 persona, një prej të cilëve shtetas rumun, i dyshuar si personi që kreu vrasjen, i shpallur në kërkim nga policia. “U shpall në kërkim shtetasi i huaj, me kombësi rumune, D. C., 53 vjeç, me precedent të theksuar kriminal në fushën e krimeve kundër personit. Për këtë shtetas është lëshuar urdhër-arresti ndërkombëtar. Në hetim për këtë vrasje është edhe një shtetas tjetër, i vënë në pranga më parë për veprën penale ‘Prodhimi dhe shitja e narkotikëve’, për të cilën vijon puna për të përcaktuar rolin e tij në këtë ngjarje kriminale.” Pak ditë më parë për këtë vrasje u vu në pranga edhe Kleanth Bylyku. 58-vjeçari Renato Hoxhaj dyshohet se u ekzekutua për shkak të lidhjeve që kishte me një grup kriminal në qytetin e Vlorës. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/