黃翠如產後弗爆首度現身 稱剖腹產子時曾一段斷片

黃翠如產後弗爆首度現身 稱剖腹產子時曾一段斷片 三月榮升做媽媽嘅黃翠如，坐完月無耐就急不及待接job，同好友洪永城一齊出席活動。產後首度亮相嘅翠如着上黑色露肩長紗裙，望落去好弗，但係佢話其實只係掩飾得好，而家條腰仲係30吋，不過佢就話唔想太快修身。翠如又話因為同老公瘋狂聞BB頭仔腳仔，令到蕭哈哈都好疑惑。 作為新手媽媽嘅翠如，而家無時無刻都機不離手，希望捕捉到蕭哈哈每日嘅變化，至於啱啱滿月嘅蕭哈哈似邊個，有幸見過蕭哈哈嘅Tony就話BB似爸爸眼大鼻高。翠如就話好多人都話囝囝似爹哋，但仔細睇就有啲似佢。Tony貴為蕭哈哈嘅舅父仔，經已準備好禮物，但翠如話一直未收到。問到將會兩家會否對親家時？翠如話阿蕭好鍾意Tony大女。講到會否再追多個囡湊成「好」字，翠如話暫時唔會諗，有一個BB已經好滿意，自己唔會貪心。 生小朋友真係唔一定個個都咁順利，好似翠如就話佢生蕭哈哈嘅過程，曾經發生一啲小狀況，搞到佢斷咗片，而當刻嘅感覺就覺得好夢幻，因為見到有一個好細嘅人仔喺身邊。而家享受緊沉浸式湊仔生活嘅翠如，完全體會到咩叫養兒一百歲長憂九十九，佢話只要阿仔有少少唔妥，已經令佢好擔心。湊仔的確唔容易，見阿蕭一副「幸福殘」就知啦，雖然阿蕭係新手爸爸，但係佢喺翠如眼都係一位神隊友，所以如果阿蕭要返內地工作，翠如都話會好騰雞同有啲焦慮。 #黃翠如 #洪永城 #產後 #首度現身 #舅父仔 #蕭哈哈 #似爸爸 #蕭正楠 #剖腹 #小狀況 #斷片 #擔憂 #追多胎 #唔貪心 #幸福殘 #騰雞 #焦慮 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0