ដុំព្រិល​​ The Snowball

Warren Buffett គឺជាវិនិយោគិនលើក្រុមហ៊ុនដ៏ល្បីល្បាញបំផុតមួយក្នុងពិភពលោក ដែលត្រូវបានគេស្គាល់ថាជា "មហាគ្រូនៃវិនិយោគ"។ គិតត្រឹមខែមិថុនា ឆ្នាំ២០២១ លោកមានអាយុ ៩០ ឆ្នាំ ហើយទ្រព្យសម្បត្តិសរុបរបស់លោកមានចំនួន ៩៥ ពាន់លានដុល្លារអាមេរិក។ ក្រុមហ៊ុន Berkshire Hathaway ដែលលោកដឹកនាំ មានតម្លៃទីផ្សាររហូតដល់ ៣៨ ម៉ឺនលានដុល្លារឯណោះ។ ទោះបីជាមានទ្រព្យសម្បត្តិច្រើនសន្ធឹកសន្ធាប់ក៏ដោយ ក៏លោកនៅតែរក្សាភាពសាមញ្ញក្នុងរបៀបរស់នៅរបស់លោក គឺចូលចិត្តញុំាអាហារធម្មតា និងចូលចិត្តអានសៀវភៅជាប្រចាំ។ តើមហាសេដ្ឋីរូបនេះមានទស្សនៈបែបណាខ្លះក្នុងវិស័យវិនិយោគ? តើអ្វីដែលធ្វើឱ្យលោកទទួលបានប្រាក់ចំណេញយ៉ាងច្រើន និងមានស្ថិរភាព ទោះបីជាស្ថានភាពសេដ្ឋកិច្ចពិភពលោកកំពុងមានភាពមិនប្រាកដប្រជាយ៉ាងណាក៏ដោយ? ហើយតើមានមូលហេតុអ្វីដែលធ្វើឱ្យលោកមិនសូវចាប់អារម្មណ៍លើក្រុមហ៊ុនបច្ចេកវិទ្យាខ្លះៗ? ទាំងនេះគឺជាសំណួរដែលនឹងត្រូវបានបកស្រាយនៅក្នុងសៀវភៅមួយនេះ។ នៅក្នុងសៀវភៅនេះ អ្នកនឹងទទួលបាននូវចំណេះដឹងសំខាន់ៗដូចជា៖ ១. តើ Warren Buffett ជានរណា? ហើយអ្វីទៅដែលលោកឱ្យតម្លៃខ្លាំងជាងគេ? ២. តើការវិនិយោគរបស់លោកមានរបៀបដូចម្តេច? ៣. បន្ទាប់ពីជីវិតលោក តើអ្នកណាដែលនឹងមានឥទ្ធិពលលើជីវិតរបស់ Warren Buffett? ៤. តើអ្វីដែលយើងអាចរៀនសូត្រពីភាពជាអ្នកដឹកនាំរបស់លោក? ៥. តើដៃគូរបស់លោកគឺ Charles Munger ជានរណា? ហើយតើពួកគេទាំងពីរនាក់មានទំនាក់ទំនងយ៉ាងដូចម្តេច ទើបអាចដឹកនាំក្រុមហ៊ុនពីតម្លៃត្រឹម ១០ ដុល្លារ រហូតដល់ ៣៨ ម៉ឺនលានដុល្លារបាន? ចំណងជើងសៀវភៅ៖ The Snowball, Warren Buffett and The Business of Life អ្នកនិពន្ធ៖ Alice Schroeder