Operacionet e SPAK/Bregu: Dosjet nuk do ishin bërë publike. Karanxha: Grabitja e pronës e rrezikshme

Gazetari Sokol Bregu tha në studion e lajmeve në MCN Tv se grupet kriminale të goditura përgjatë ditëve të fundit kanë qenë nën hetim dhe përgjim nga SPAK që në 2021, dhe se ajo që ngre pikëpyetje është pse u goditën pikërisht tani duke qenë se në 5 vjet ata e injektuar akoma dhe më shumë paranë e pistë në ekonomi. Sipas Bregut, revolucioni i vërtetë nuk janë protestat për flamingot, por t’i marrësh paranë e pistë personave që e kanë futur në ekonomi. Ervin Karanxha ka komentuar në “MCN Live” hetimet e SPAK, pastrimin e parave dhe ndikimin e trafikut ndërkombëtar të drogës në investimet në pasuri të paluajtshme në Shqipëri, duke vënë theksin te rreziku që, sipas tij, vjen nga mënyra si menaxhohen pronat publike dhe private. Ai u ndal tek dosjet hetimore që lidhen me komunikimet e përgjuara dhe mënyra e përpunimit të tyre ndër vite, duke theksuar se proceset hetimore për trafikun ndërkombëtar të drogës kërkojnë kohë dhe verifikime të shumta procedurale, ndërsa paralelisht shqyrtohen edhe investimet që dyshohet se burojnë nga aktivitet kriminal, veçanërisht në zonat bregdetare. Sipas tij, një pjesë e këtyre rasteve lidhet me investime të mëdha në territorin shqiptar, të cilat ai i konsideron të lidhura me para të paligjshme. #spak #sokolbregu #kronike #lajme #aidatonçica #ervinkaranxha