Apytavo che añomi - Grupo Surgente

Autores: Ramón Mendoza - Eulogio Ayala Recalde. "Upe ára che reja resê reho mombyry pytamba pe kuarahy nda iporâvei pyhare opá umi guyra ñe'ê na hyakuâvei yvoty oimepoku oñembyasy avei che javeve. Che apyty'ûme akói oikóva upe ka'aru ha py'yinteva ipyahu che mandu'árô hese ku ñase ramoguare ja guata mbegue katu upe tape kurusu ja hupytyha peve. Mokôivéva ja pyta upêro sapy'ami ha umi nde resa mimbi ipaha che resape che añuavo ipahaite ere chéve mbeguemi aju jeýne voi ha ne'îra aga peve. Upepepa ko apyta nderehe ajesareko ojopy che korasô rekañyma chehegui che resay che jopi ndaikatui ajejoko ha mitâicha ajahe'o ajukuevo che añomi. Oime ku ñande tapyi ha'eñomiva opyta ñanandýpe oñeñua mba'e mbyasy memeté kunu'û heñói hague mainumby jerokyhá ko'ága ramo guarâ oiko ichugui tapere. Aimo'águi upe nde ju asê aha kokuehe ha aipe'ávo umi okê tuichaite che anga pyhy akói ára che reindy maymáva ne ryakuângue upe koty omyenyhe osenguévo kuarahy".