Dita e Shkollës dhe Dita e Tokës

22 Prilli- Dita e Shkollës🏫 dhe Dita e Tokës 🌎 Në ambientet e shkollës tonë, Dita e Shkollës🏫 dhe Dita e Tokës 🌎u shënuan me një sërë aktivitetesh. Fillimish u bë mbjellja e pemëve organizuar nga Këshilli i Prindërve, për të vazhduar më tutje me mbjelljen e luleve e bimëve të ndryshme nga nxënësit e ciklit të ulët, grupi i ekologëve të shkollës përcjellur nga arsimtarja Drilona, Antigona dhe mësimdhënësit e ciklit të ulët. Në këndin e matematicientëve po ashtu u bë mbjellja e bimëve/luleve, ku janë edhe të mbjellura 22 lule të ndryshme në figura të ndryshme gjeometrike. Ambienti i jashtëm i shkollës u dekorua nga klubi i teknologëve dhe arsimtarja Kumrije Maqedonci. Pastaj shënimi i 13 vjetorit, Ditës së Shkollës vazhdoi me një program kulturo-artisitik i përgatitur nga mësimdhënësit dhe nxënësit e shkollës. Programi u fillua me një fjalë rasti nga drejtori i shkollës z. Besart Ismajli, për të vazhduar me Ministren e Arsimit Shkences dhe Teknologjisë zn. Arbërie Nagavci. Fjalë rasti kishte po ashtu përfaqësuesja nga GAC, zn. Melinda Beu Muçaj. Të pranishëm në festën e shkollës ishin drejtorë shkollash, prindër, mësimdhënës e nxënës. Programi vazhdoi me disa pika nga kori i shkollës përgatitur nga arsimtarja e muzikës Krenare Muçaj, po ashtu disa pika të përbashkëta nga kori, gjuhëtarët e rinj dhe balerinat e shkollës🩰, përgatitur së bashku me arsimtaren, Gëzime Bajrami. Me thënje dhe skeqin teatral për vetëdijësimin e mbrojtjes dhe kujdesit ndaj Tokës përgatiur nga mësimdhënëset/it, Gëzime Bajrami dhe Time Abdullahu. Vallja e klasës së para solli shumë emocione nga vajzat përgatitur bashkarisht me mësuesen Fatbardha Ahmeti. Programi vazhdoi me një recital kushtuar Ditës së Tokës, recituar nga nxënësja e klasës së II/2 Anika. Vajzat nga klasat e I-ra deri te klasat e V-ta bënë madhështor programin me vallëzimin e tyre përgatitur nga mësuesja Fitore Maçani. Programi vazhdoj me këngën e nxënëses Maja Beka kushtuar mësueses dhe nënës. Me një performancë të shkëlqyer vazhduan balerinat e shkollës. Gjatë programit kishim po ashtu thënje dhe shfaqje të cilat përcillni mesazhe të shumëta për ruajtjen e tokës të udhëhequra nga arsimtaret Ibadete dhe Albana. Vallja përmbyllëse e programit ishte vallja popullore e performuar nga vajzat e ciklit të lartë. Artistet e shkollës gjatë kohës së shfaqjes së programit pikturuan🎨 piktura të ndryshme të udhëhequra nga arsimtarja Vjollca Aliu. Në fund u ndanë mirënjohjet, medaljet dhe kupat për nxënësit fitues në kuiz në lëndën e matematikës dhe në lojërat e realizuara gjëtë javës për nder të Ditës së Shkollës. Nga stafi i shkollës, drejtorit iu dhurua mirënjohje për "Udhëheqjen tuaj të shkëlqyer si drejtor i shkollës. Përmes përkujdesjes suaj të jashtëzakonshme, ju keni shndërruar sfidat në mundësi dhe keni frymëzuar stafin dhe nxënësit për të përmbushur potencialin e tyre të plotë". Menaxhmenti i shkollës falënderon Ministrinë e Arsimit, Komunën e Prishtinës, DKA, Drejtorinë e Parqeve në krye me Donika Çetta, organizatën GAC për kontributin e dhënë dhe mbështetjen e ofruar me rastin e Ditës së Shkollës dhe Ditës së Tokës. Po ashtu falënderon stafin e shkollës për angazhimin e tyre, këshillin organizativ, nxënësit, prindërit dhe gjithë komunitetitin. Një falënderim i veçant për prindin e shkollës Rrahman Beka i cili i bëri gjitha xhirimet për Ditën e Shkollës dhe Ditën e Tokës ku më pas përgatiti edhe videon për publikim. Urime 13 vjetori i Ditës së Shkollës, urime Dita e Tokës!