聲秀‧準決賽丨陳潔靈加盟評審讚柯雨霏夠膽識 Jenny馮熙燮挑戰唱跳揮灑自如

聲秀‧準決賽丨陳潔靈加盟評審讚柯雨霏夠膽識 Jenny馮熙燮挑戰唱跳揮灑自如 無綫歌唱節目《聲秀》賽程去到最後階段，9強學員展開準決賽，將進行兩個回合爭取晉級決賽嘅席位，呢兩個回合由專業評審團、KOL及DJ團投票選出，曾擔任多個歌唱比賽評審嘅Miss Chan Chan（陳潔靈）將加盟選出入決賽嘅學員。 Miss Chan Chan做足功課，指自己係fans一直有追睇，更清晰掌握每位學員進步，Miss Chan Chan讚柯雨霏（Ophelia）獻唱《沙門》變奏拿捏得唔錯，又夠膽喺舞台唱呢類歌，Miss Chan Chan覺得Ophelia係有膽識有勇氣。 呢個星期播出突破回合，學員跳出舒適區，挑戰自己唔擅長嘅曲風，展現自己新一面，最高分學員可直接晉級。Ophelia呢次挑戰暗黑風格，令人眼前一亮，Ophelia笑指自己係「膠水腳」，平時唔太郁動，佢苦練咗唔少舞步。 馮熙燮（Ryan）同樣挑戰唱跳，平日唱功不錯，加上成功減磅擺脫微胖身形，呢次佢自度舞步出戰，表現揮灑自如，而甄敏芳 (Jenny)演繹《空港》，挑戰唔同風格，以成熟造型登場。 布子殷（布子）以謝霆鋒金曲《潛龍勿用》出戰，呈現Rock爆一面，導師譚耀文亦請Mr.吉他手Ronny教學員做Rock女！ #聲秀 #9強學員 #準決賽 #晉級 #評審 #陳潔靈 #柯雨霏 #馮熙燮 #甄敏芳 #Jenny #布子殷 #布子 #導師 #譚耀文 #Mr #吉他手 #Ronny #Rock女 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0