نەورۆز، جەژنی نەتەوەیی کورد و سەری ساڵی نوێی کوردیی لە کوردستانی گەورە پیرۆز بێت

ئاگۆرا ڤیژن، بە شێوەزاری سۆرانی، هەورامی و بادینی جەژنی نەورۆزتان لێ پیرۆز دەکات و بەم بۆنەیەوە پەیامی ئاشتی دەنێرین و کاردەکەین بۆ کۆکردنەوەی سەرجەم زار و شێوەزارەکانی زمانی کوردی و بە جیهانیکردنی کتێبخانەکەمان و ناساندنی ئەدەب و کولتوری کورد شاعیران و نووسەران و زانایانی کورد کۆکبوون لەسەر ئەم جەژنە نەتەوایەتییە و هەمیشە بەرز ڕایانگرتووە، چەندین شعر و وتار و داستانیان دەربارەی نووسیوە، یەکەمین نووسەری کورد کە بە کوردی باسی دابونەریتی نەورۆزی کردبێ ئەحمەدی خانی بووە وە مامۆستا مەلا عەبدولکەریمی مودەڕیس سەبارەت بە جەژنی نەورۆز دەڵێت: "جەژنی نەورۆز، جەژنێکی ناسراوی سەردەمی ئیسلام و پێش ئیسلامە، هیچ دژایەتییەکی لەگەڵ ئایینی مسوڵماناندا نییە" "مزگێنی دا بە ‌سروە بای بەھاری، وا ھاتەوە نەورۆزی کوردەواری" لەگەڵ هاتنی نەورۆزدا ئەم شعرە دەبێتە وێردی سەرزاری کوردستانیان کە یەکێکە لە شعرە تایبەتەکانی مامۆستا هەژار موکریانی #زمانی_کورد #کتێبی_دەنگی #ئاگۆرا_ڤیژن #چاپی_دیجیتاڵی #نەورۆز #کورد #کوردستان