Klan News - Leksion me detyrim në universitet

#universitet #eviskushi #bachelor #master Viti i ri akademik 2022-2023 do t’i gjejë studentët me detyrime të reja për frekuentimin e procesit mësimor në universitet. Sipas udhëzimit të ri të Ministres së Arsimit Evis Kushi, për ciklin e parë të studimeve “Bachelor” leksionet bëhen me detyrim pasi nëse një student nuk ndjek 75% të tyre skualifikohet, dhe nuk mund të hyjë në sezonin e provimeve. Më herët, leksionet kanë qenë fakultative, ndërsa seminaret në ciklin e parë ishin me detyrim për frekuentim 75% të orëve të seminareve, ashtu sikurndër janë edhe në këtë udhëzim të ri. Vetëm në ciklin e studimeve profesionale dy-vjeçare leksionet janë fakultative dhe kërkohet një frekuentim 50% nga studentët ndërsa seminaret, praktikat profesionale dhe laboratorët janë të detyrueshme në të gjitha ciklet e studimit. Edhe në ciklin e dytë të studimeve “Master Shkencor”, duke nisur nga leksionet, seminaret, orët e laboratorit dhe praktika profesioanle janë më detyrim frekuentimi në 75% të tyre. Ndërsa në “Master Profesional”, studentët kanë detyrimin të frekuentojnë leksionet në masën 60% ndërsa pjesën tjetër të programit e kanë në masën 75%. Sipas udhëzimit të Ministrisë së Arsimit, universitetet në fusha specifike mund të rrisin masën e frekuentimit të procesit mësimor. Ndërsa në ciklin e tretë “Doktoratë” ku anagzhimi për kërkim shkencor është me kohë të plotë frekuentimi, duhet të jetë jo më pak se 75%. Fekuentimi i detyrueshëm i procesit mësimor në universitet sjell vështirësi për ata studentë të cilët edhe njëkohësisht punojnë. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan