Bishnupriya Manipuri Yatri Niwas in Radhakund, Mathura for all travelers to Vrindaban

শুভ পঞ্চম দোলর অধিবেশনে শ্রীধাম রাধাকুণ্ডে ২০২৩ইং ১২-১৩-১৪ই মার্চ শ্রী শ্রী রাধামাধব জিউ শ্রীমন্দিরে আসাম ত্রিপুরা বাংলার ভক্তমানায় প্রতিনিধি তীর্থযাত্রী ৫৮৩ ৷ শ্রী শ্রী রাধামাধব জিউ সেবা পরিচালন সমিতির ঐতিহাসিক মিলনর মহান কর্মযজ্ঞ বাস্তবায়নে কেন্দ্রীয় কমিটির ভূমিকা অতি প্রশংশনীয় ৷ সভাপতি ডাঙরিয়া শ্রী বনমালী সিংহ Rtd IAS ত্রিপুরা গিরক সমিতির এ দায়িত্ব লেম্পালে নেনার পরে শ্রীমন্দির,যাত্রীনিবাস,কুঞ্জবাসী ,প্রতিকৃতি,,রেজিস্ট্রেশন ইত্যাদি আরাকৌ যত পুরানা ধর্মীয় সংগঠনে অতীতে সক্রিয় ভূমিকা দীর্ঘ দেড়শো বছর লালয়া পালন করিয়া গেছিগা হাবিতার ফসলহান ৷ আজি ১৪৩ তম তিন দিবসীয় বিশেষ সাধারন অধিবেশন ২০২৪ পরিপূর্ণ মর্যাদায় ভক্তিভরে বলিষ্ঠ পদক্ষেপ ৷ ডায়নামিক কর্মসূচী,দৃঢতা,স্বচ্ছতা,মান্যতা,বর্তমান প্রজন্মরাং অতি গৌরবময় অধ্যায় আহানর চেতনার মহান অনুপ্রেরণা ৷ আরাকৌ আহের ১৫ বছরর দীর্ঘমেয়াদী পরিকল্পনা ২০২৪---২০৩৮ সভাপতি গিরকর বলিপাংকাল কাকেই হান--- ১) সমিতির বিধি-বিধানাবলী অনুসারে ভারতবর্ষর বিভিন্ন রাজ্যবারো বাংলাদেশে গনতান্ত্রিক পদ্ধতিল কমিটি হংকরানি ৷ ২) হাবি অঞ্চলে পরিবারর নাং খমকরিয়া Computerised করিয়া প্রতি সংক্রান্তিত রাধামাধব সপ্তাহ পালন বারো চাঁদা আদায় ৷ ৩) দৈনিক খুত্তল দেকুরার সংখ্যা নিয়াম করানি ৷ ৪) নূয়া মাটিহানাৎ চারতলা যাত্রীনিবাস হংকরিয়া আমার সংস্কৃতি রুহিহানরে মিউজিয়াম বা আর্ট গেলারীৎ স্থাপন ৷ ৫) তীর্থ যাত্রীরে শ্রীমন্দিরে সপ্তাহব্যাপী ২ বেলা বিনামূল্যে প্রসাদ গ্রহন ৷ ৬)মন্দিরে উৎসবাদির ডাকুলা,ইশালপা,দোহার স্থায়ী থনা ৷ ৭) আমার মহাপুরুষ র জীবনী ফটোপুস্তিকা রাধাকুন্ডর মহিমা আমার ঠারে ফংকরিয়া ফৌকরানি ৷ ৮) সমাজর হিনপেইতারা মানুরে বাছিয়া বাছিয়া নবদ্ধীপ বৃন্দাবন পরিক্রমার ব্যবস্থা ৷ ৯) আমার পরম্পরা ধারা ইলয়া দীক্ষা গ্রহন ৷১০) মন্দিরর আরতি / অনুষ্ঠান TV চ্যানেলে সরাসরি ৷ ১১) দিল্লীর যমুনার পারে এক একর ভূমি সরকাররাং চেয়া আমার সংস্কৃতি রুহিহানরে চাংখল বারো মন্দির করানি ৷ ১২)ভবিষ্যৎ প্রজন্মরে এ স্রোত এগত উৎসাহিত অনার অনুপ্রেরণা ৷ ১৩) আমার লয়ায় গাঙে গাঙে ধর্মীয় পরিবেশ হংকরানি৷ ১৪) তীর্থ যাত্রীরাংত সেবাপূজা থানা প্রসাদ ইত্যাদি ত্ব আদায় ধন লো নিত্যসেবা চালানি ৷ ১৫) পাথারকান্দিত ত্রিতল স্থায়ী অফিস গো হংকরানি ৷ সভাপতি গিরকে প্রস্তাব এহানি বিশদভাবে আলোচনা করিয়া সংযোজন/ বিয়োজন হাবিরাং সুচিন্তিত মতামত ল পরিকল্পনা গ্রহনে অনুরোধ থইল ৷ (বিস্তারিত প্রস্তাবাবলীত পেইতাঙায়) ৷ গিরিগিথানী এ অধিবেশনরে মূর্তি পালকরতে দায়ীত্ব যেতায় পাংকাল নাপকরেছিলা ১) অভ্যর্থনা বারো ব্যবস্থাপনা ২) মহাপ্রসাদর ব্যবস্থাপনা ৩) সাংস্কৃতিক ব্যবস্থাপনা ৷ ৪)প্রচার বিভাগ ৷ ৫) ধনপয়সা লনাথনা৷ ৬) পরিক্রমা ৷ ৭) অডিটর ৷ তানুর অক্লান্ত প্রচেষ্টা পরিশ্রম অধিবেশন এহানরে সফল করতে হাবি প্রশংসা কম মনে অর ৷ হাবিরে মোর হৃদিলেইশাঙেত্ব সাজারাঙে হমাভক্তি কাৎকরুরি ৷ জয় ইমা রাধারানীর জয় ৷ ( অনিচ্ছাকৃত লালচুম নিজগুনে ক্ষমা করেদিবাং ৷ সাজারাঙে পূ্র্ণ সিংহ ( পুনু )কলাসর ৷ রাধে রাধে ৷ #bm #manipuri #radhakund #mathura #bmsong #bishnupriyamanipuri #trending