صالح الشويب في حفل تخرج ضباط قبيلة مطير

قصيدة الشاعر/ صالح الشويب في حفل قبيلة مطير بتخرج أبناءها الضباط الجامعيين من كلية الملك فهد الأمنية 1434 هـ هبت هبوب القصيد وحن رعاده واستبشر القلب واستقبل سحايبها سحاب شعرن على الميدان منقاده ميدانها الصدر وافكاري أدربها لين طلعت وحدتهن كنها الغاده الغادة اللي كثير الهرج يتعبها والبستهن كلهن قلاده قلاده من مهجتي صغتها ماني بكاسبها حسب النظر سالمه من كل نقادة الطيبه طيبها من حظ صاحبها من شان ربعي شموخ الراس وسناده الابه اللي تنومسني وشوشبها والله لسر القصيد ولقدح زناده وغوص وسط البحور ولا تصاعبها شاعر ومبدع ودرب الجزل معتاده لكن مطير العريقه من يواكبها تاريخنا في المعالي تشرق امجاده امجادنا يعجز التاريخ يكتبها فينا الكرم والوفاء والمرجله عاده مغروسه فالقلوب ولانجنبها حنا هلالسيف واهل الكيف وقناده والمعجزات الثلاث اللي نكنبها حنا هل الطايره للموت وراده طيارة الحرب جبناها براكبها لين اصبحت في يدين مطير منصاده قدامنا كل معركة تروحبها عدونا مايدوم العز لشداده والمعركة مع عدانا نستلذبها من قام في نحورنا ماعنه نشاده يمسي عشاء لذيابه مع ثعالبها دخيلنا يهتني في لذة رقاده يودع السهر وهمومه يشطبها وحتى لو خلفه النيران وقاده مطير حمر النواظر من يحاربها قومن تبا دخيلنا نبيدها إيباده دون الدخيل العواقب ما نحسبها شيوخنا اخوان جوزاء سادت الساده مقادم الحرب لا شبت شبايبها دوشان والشرح ما يحتاج لزياده ماهو بحاجة لراويها وكاتبها وكل القبايل نعم للطيب حصاده قبايل طيبها ثمرة مناسبها واليوم بقيادة اللي طور بلاده زعيم الأمه وقايدها ومرهبها حبيب شعبة ملكنا قايد القاده اللي علشانه الأرواح نجلبها عبدالله ابو الجميع وكلنا اولاده من شجرة مملكتنا تستعزبها