శివ సంకల్ప మంత్రాలు అర్థసహితంగా ..

ఓం యజ్ఞాగ్రతో దూరముదైతి దైవం తదు సుప్తస్య తథైవైతి దూరంగమం జ్యోతిషాం జ్యోతి రేకం తన్మే మనః శివసంకల్పమస్తు ॥ మనస్సు జాగ్రదావస్థలోను, స్వప్నావస్థలోను దూరదూరమునకు వెళ్లుచుండును. అది దివ్యగుణముగలది. ఇంద్రియములకు జ్ఞానజ్యోతి నొసంగును. అట్టి నా మనస్సు సదా శుభసంకల్పములుగలదియగు గాక! ఓం యేన కర్మాణ్యపసో మనీషిణో యజ్ఞే కృణ్వంతి విదథేషు ధీరాః | యదపూర్వం యక్షమన్తః ప్రజానాం తన్మే మనః శివసంకల్పమస్తు ॥ సత్కర్మనిష్ఠులు, బుద్ధిమంతులు, ధ్యానశీలురు యజ్ఞాది సమస్త కార్యములలో సర్వకర్మలను మనస్సుతోనే చేయుదురు. అది ఆశ్చర్యకరమైనది. ప్రాణుల హృదయములలో అనేక కోరికల కోరు చుండును. అట్టి నా మనస్సు సదా ఉత్తమకోరికలనే కోరునట్టిదియగుగాక! ఓం యత్ప్రజ్ఞానముత చేతో ధృతిశ్ఛ యజ్యోతిరంత రమృతం ప్రజాసు యస్మాన్న ఋతే కించన కర్మక్రియతే తన్మే మనః శివసంకల్ప మస్తు ॥ మనస్సు జ్ఞానమునొసంగును, స్మరణాదులకలిగించును. ధీరత్వమును చేకూర్చును, మానవుల అంతరంగమున అది నాశరహితమైన జ్ఞానజ్యోతి. అది లేనిచో మానవులు ఏ కార్యమును చేయజాలరు. అట్టి నా మనస్సు సదా శుభసంకల్పములు కలదియగు గాక ! ఓం యేనేదం భూతం భువనం భవిష్యత్ పరిగృహీత మమృతేన సర్వమ్ | యేన యజ్ఞ స్తాయతే సప్తహోతా తన్మే మనః శివసంకల్పమస్తు ॥ అమృతస్వరూపమైన మనస్సు భూత భవిష్యత్ వర్తమాన కాలములలోని సర్వవిషయములను తెలిసికొనుచున్నది. సప్తహోతలచే నిర్వహింపబడు అగ్నిష్టోమాది యజ్ఞములనన్నింటిని మనస్సు చేతనే నిర్వహింతుము, అట్టి నా మనస్సు నాకు సదా శుభమైన కోరికలనే కలిగించుగాక ! ఓం యస్మిన్నృచః సామ యజూగ్ంషి యస్మిన్ ప్రతిష్ఠితా రథనాభావివారాః | యస్మి శ్చిత్తం సర్వమోతం ప్రజానాం తన్మే మనః శివసంకల్పమస్తు || శుద్ధమగు మనస్సులో ఋగ్ యజుస్సామాథర్వవేదములు రథచక్రము యొక్క నాభిలో అరలవలెను ప్రతిష్ఠితములై యున్నవి. మానవుల సమస్తజ్ఞానము మనస్సులోనే కలదు. అట్టి నా మనస్సు సదా శుభసంకల్పములు గలదియగుగాక! ఓం సుషారథి రశ్వానివ యన్మనుష్యాన్ నేనీయ తే2భీషుభి ర్వాజిన ఇవ | హృత్ప్రతిష్ఠం యదజిరం జవిష్ఠం తన్మే మనః శివసంకల్పమస్తు ॥ ఉత్తమసారథి పగ్గములతో పట్టుకొని వేగవంతములగు గుఱ్ఱములను తన వశమునందుంచుకొని రథమును నడుపునటుల, మనస్సు కూడా మానవులను నియమములో నుంచి సన్మార్గమున ప్రవర్తింపజేయును. అది హృదయములో స్థిరముగా నుండును. జరాదులు లేనిదై శీఘ్రగతి గలదై యుండును. అట్టి నా మనస్సు సదా నాలో ఉత్తమ కోరికలనే కలిగించుగాక! ఓం శాంతిః శాంతిః శాంతిః #శివసంకల్పమంత్రాలు #శయనకాలమంత్రాలు #యజుర్వేదంఅధ్యాయం34,1-6 మంత్రాలు #వేదాలలోశివసంకల్పమంత్రాలు #shivasankalpamantralu #shivasankalpamantralu_with_meaning #శివసంకల్పమంత్రాలుఅర్థసహితంగా #శివసంకల్పమంత్రాలు_lyrics