सुने री मैंने निर्बल के बल राम | Sune Ri Maine Nirbal Ke Bal Ram | श्री सूरदास जी | Shri Indresh Ji

सुने री मैंने निरबल के बल राम । पिछली साख भरूँ संतन की, आइ सँवारे काम ।। जब लगि गज बल अपनो बरत्यो, नेक सर्यो नहिं काम । निरबल ह्वै हरि नाम पुकार्यो, आये आधे नाम ।। द्रुपद-सुता निरबल भई ता दिन, तजि आये निज धाम । दुःशासन की भुजा थकित भई, बसन रूप भये स्याम ।। अप-बल, तप-बल और बाहु बल, चौथो है बल दाम । ‘सूर’ किसोर कृपा तें सब बल, हारे को हरि नाम ।। #talhati #indreshji #surdas #surdaskepad #surdasji #सूरदास