श्री ब्रजराजकुमार प्यारो प्यारो | ब्रज रस माधुरी - 1 | Ft.Akhileshwari Didi

श्री ब्रजराजकुमार प्यारो प्यारो। श्री वृषभानुदुलार प्यारी प्यारी। अलबेलो सरकार प्यारो प्यारो। अलबेली सरकार प्यारी प्यारी। नागर नन्दकुमार प्यारो प्यारो। नागरि भानुदुलार प्यारी प्यारी। प्रियतम मम रिझवार प्यारो प्यारो। प्यारी मम रिझवार प्यारी प्यारी। सखा संग दरबार प्यारो प्यारो। सखिन संग दरबार प्यारी प्यारी। सँग अगनित रह ग्वार प्यारो प्यारो। सँग अगनित ब्रजनार प्यारी प्यारी। गोकुल करत विहार प्यारो प्यारो। गह्वर करति विहार प्यारी प्यारी। नील बरन रिझवार प्यारो प्यारो। गौर बरनि सुकुमार प्यारी प्यारी। नटवर भेष सँवार प्यारो प्यारो। किय सोरह श्रृंगार प्यारी प्यारी। लकुटि कमरिया धार प्यारो प्यारो। सुरँग चुनरिया धार प्यारी प्यारी। लेत लली सों प्यार प्यारो प्यारो। देति लाल को प्यार प्यारी प्यारी। बँध्यो लली के प्यार प्यारो प्यारो। बाँध्यो लालहिं प्यार प्यारी प्यारी। गयो मनावत हार प्यारो प्यारो। मान करत नहिं हार प्यारी प्यारी। पग चापत रिझवार प्यारो प्यारो। लखि सखि कह बलिहार प्यारी प्यारी। निज छवि लखि बलिहार प्यारो प्यारो। निरखि हँसति सुकुमार प्यारी प्यारी। प्यारिहिं छवि बलिहार प्यारो प्यारो। प्यारो छवि बलिहार प्यारी प्यारी। कह 'कृपालु' सुनु सार प्यारो प्यारो। दोउ मम प्राणाधार प्यारो प्यारी।