Top News - Policia ‘sulmon’ guroret e Krujës/ Në pranga një administrator, paralajmërimi

Policia ka vëënë në pranga administratorin e një guroreje, 34-vjeccari Durim Priska, banues në Krujë, i cili sipas policisë ushtronte aktivitetin e nxjerrjes dhe përpunimit të materialeve inerte dhe gurore pa asnjë dokumentacion. Ky aksion ka ardhur pas denoncimit të masakrës mjedisore në emisionin investigativ "Fiks Fare" në Top Channel. Këtë të premte është mbyllur dhe faza e tretë e operacionit të koduar “Mjedisi” që vazhdon, për evidentimin dhe goditjen e paligjshmërive në drejtim të përdorimit dhe shfrytëzimit të guroreve, shkak për ndotje të mjedisit dhe për shpërdorim të tokës. Më herët, gjatë dy fazave të para të këtij operacioni, nga kontrolli i ushtruar në territor, ishte arrestuar në flagrancë edhe administratori i një guroreje që nuk dispononte asnjë dokument, si dhe janë proceduar penalisht 6 shtetas, administratorë të 6 guroreve, për mungesë dokumentacioni, ndotje ajri dhe shpërdorim toke. Guroret e furrat e gëlqeres po shkatërrojnë mjedisin në zonën e mbrojtur të Krujës, në Krastë. Denoncimi ngriti në këmbë policinë e Durrësit e cila u mbështet edhe nga forcat FNSH të ardhura nga Tirana. Policia njofton se operacioni do të vijojë deri në përfundimin e kontrollit të plotë të territorit, për të verifikuar dhe për të kontrolluar të gjitha subjektet që ushtrojnë aktivitetet e nxjerrjes dhe të përpunimit të materialeve inerte dhe gurore. Zona ku veprojnë guroret është shpallur peisazh i mbrojtur që në korrik të vitit 2018, duke u pasuar nga vendime të tjera që pengonin punën e guroreve dhe furrave të gëlqeres në këtë zonë, të cilat e shkatërrojnë atë çdo ditë. Por vendimet mbesin vetëm në letër dhe masakra mjedisore vazhdon edhe pse leja e tyre e shfrytëzimit u është pezulluar. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Policia#Kruje