Скрипт қолдану (JavaScript) [ҰБТ информатика]

HТML тілінде құжаттарды жүктеу кезінде немесе кейінірек орындалатын клиент-скриптер қолданылады. JavaScript, CSS және DOM, HTMLдер бірігіп, DHTML тұжырымдамасын құруға негіз болды. Javascript программалау тілін Netscape Communications корпорациясының программалаушысы Брендан Айк ойлап тапқан. Бұл – клиент тарапынан жұмыс істейтін сценарийлер жазуға арналған, браузерге түсінікті нысанға бағытталған программалау тілі. Браузер бұл тілдегі командаларды орындай алады, яғни оның ішкі интерпретаторы бар. Ол Internet үшін клиенттік және серверлік қосымшаларды құру үшін арналған. JavaScript программасы скрипт немесе сценарий деп аталады. JavaScript тілінде жазылған программалар HTML-құжаттарының құрамына кіреді және солармен бірге тарайды. Netscape Navigator және Ms Internet Explorer типті көру программалары (браузерлер) құжаттың мәтініне енгізілген, кірістірілген программаларды (Script-кодтар) таниды және оларды орындайды. JavaScript пайдаланушымен өзара әрекеттесе алатын web-қосымшаларды және динамикалық сайттарды жасау үшін пайдаланылады. Динамикалық сайт – үнемі жазбасы өзгеріп, жаңаланып тұратын сайт. Мұндай сайттар PHP, Perl, т.б. программалау тілдерінде жазылады.