Hea! De Radiopiraten fan Easterwâlde

Radiopiraten as Pinkeltje, de Alpenjager en de Friese Duivel wiene ea in begrip yn Appelskea en omkriten. Yn de jierren 70/80 wie benammen Eastlik Eastellingwerf in bolwurk fan illegale piratestjoerders. En dy tiid is no wer werom. Want elke sneintejûn binne in tal Stellingwerver piraten, werûnder Kareltje Zekering en de Zwarte Boekanier, wer te hearren op 'e radio. Se draaie fansels allinich finyl mar dogge dat no wol legaal, by de lokale Omrop Odrie yn Easterwâlde.