മൂന്നാറിലുണ്ട് സായിപ്പിന്റെ സ്വന്തം ട്രൗട്ട്: കിലോയ്ക്ക് 1000 രൂപ വിലയുള്ള എക്സോട്ടിക് മത്സ്യം

#karshakasree #manoramaonline #troutfish സാമ്രാജ്യം വെട്ടിപ്പിടിക്കാൻ കടലും കരയും സഞ്ചരിച്ച സായിപ്പിന് സ്വന്തം കുടുംബത്തെക്കാൾ ‘മിസ്’ ചെ‌യ്ത ഒരു കാര്യമുണ്ടായിരുന്നു; അറ്റ്ലാന്റിക് സാൽമണിന്റെ അതുല്യമായ രുചി. അറ്റ്ലാന്റിക് സാൽമണും സാൽമണിന്റെ സഹോദരീമത്സ്യമായ ട്രൗട്ടും സായിപ്പിന് അത്രയേറെ പ്രിയമുള്ള രുചികള്‍. ഇന്ത്യൻ ഉപ ഭൂഖണ്ഡത്തിൽ ദീർഘകാലം ജീവിക്കേണ്ടിവന്ന ബ്രിട്ടിഷ് ഉദ്യോഗസ്ഥർക്ക് ഇവിടത്തെ കടുത്ത വേനലുകൾ അസഹനീയമായിരുന്നു, വിശേഷിച്ചും സ്കോട്‌ലൻഡുകാര്‍ക്ക്. അതുകൊണ്ടുതന്നെ സ്കോട്‌ലൻഡിലേതിനു സമാനമായ, മഞ്ഞുമലനിരകൾ ഇവിടെയും അവർ തേടിപ്പിടിച്ചു.