الحياة من وجهة نظر البرص

تعرف إن البرص اللي في بيتك ده يعتبر بطل خارق ماشي على الحيطة؟ آه والله يا صاحبي، ده سبايدر مان حقيقي بس من غير بدلة ولا قناع. كائن عنده قدرات تخلي أعظم علماء الفيزياء يقفوا متنحين. رجليه مش بتلزق عشان فيها صمغ، لأ، ده في كل صباع من صوابعه ملايين الشعيرات الدقيقة جدًا، اللي بتتفاعل مع الحيطة على المستوى الجزيئي بقوة اسمها "قوى فان دير فالس". يعني الراجل ده بيكسر قوانين الجاذبية بالكيميا والفيزيا وهو ماشي. ده غير إن نظره بالليل أقوى من نظرك 350 مرة! بيقدر يشوف الألوان في عز الضلمة، حاجة إنت عشان تعملها يا شكس، محتاج نضارة رؤية ليلية بآلاف الدولارات. الكائن ده يا أبو الصحاب، اللي واخد سمعة سيئة في معظم ثقافاتنا، واللي أمهاتنا بتحلف إنه بينفخ في الملح يبوظه، وإنه سام ومكهرب وبيجيب الفقر. كل دي يا صاحبي إشاعات طلعها عليه أعداؤه من الصراصير والناموس. في الحقيقة البرص ده يعتبر أهم موظف في شركة مكافحة الحشرات اللي في بيتك، وشغال ببلاش 24 ساعة من غير مرتب ولا تأمينات. ده الشركة الالمانية الطبيعية ، اللي بيخلصك من كل الكائنات المزعجة اللي ممكن تنقلك أمراض. Video edited by: Mohamed Abdulghani https://www.instagram.com/mohamedabdu... Find Nabzology On: Facebook: https://www.facebook.com/profile.php?... Instagram:   / nabzology   Tiktok:   / nabzology   Spotify: https://open.spotify.com/show/75Iumwi... Apple Podcast: https://podcasts.apple.com/us/podcast...